.webp){kind=icon}
„Убер Фрајт“ ги засилува своите напори за проширување на фрагментираниот пазар за логистика во Европа и има за цел да го зголеми товарот со кој управува десеткратно односно до две милијарди евра до 2028 година. Планира тоа да го постигне преку дигитална платформа која би управувала со целиот синџир на снабдување на компаниите.
Бизнисот со товарен транспорт на „Убер Технолоџис“ е само мал дел во одделот за транспорт, и претставува 14 отсто од вкупниот приход во 2023 година. Додека останатите два оддели забележаа раст лани, одделот за товар падна за близу 25 отсто.
Bloomberg Mercury
Тој пад во голема мера се припишува на слабите стапки на транспорт со камиони, но неодамна се појавија знаци на пресврт бидејќи се ублажува грчењето во синџирот на снабдување и се намалуваат големите резерви. Лиор Рон, основач и извршен директор на „Убер Фрајт“, рече дека успехот со големите компании во Северна Америка е една од најголемите причини за дигиталниот притисок преку Атлантикот.
„Имаме инфраструктура на „Убер“ во Европа на која можеме да се потпреме, а од друга страна, имаме клиенти од САД, глобални клиенти кои бараат помош од нас“, рече Рон во интервјуто. „Многу сме мотивирани да инвестираме во Европа“.
Изјавата на Рон беше пред објавата на „Убер Фрајт“ во вторникот дека достигна 200 милиони евра (218 милиони американски долари) управуван товар во Европа додека се натпреварува за поголем дел од логистичкиот пазар на „Мекинси“ кој се проценува на 1,2 трилиони евра.
„Убер Фрајт“ користи некои од истите технологии за видливост како и останатите популарни компании кои нудат услуги за транспорт и испорака, а тоа не е само преку апликација во Европа каде независните камионџии се поврзуваат со испраќачите на кои им треба испорака.
Рон го опиша моделот како дел од индустриската категорија наречена логистика од четврта страна, која вклучува преземање на целото управување со синџирот на снабдување на компанијата со цел да се зголеми видливоста, да се намалат трошоците и да се искористат податоците.
Патувањето на „Убер Фрајт“ во Европа беше мачно. Започна во 2019 година со операции првично во Холандија, Германија и Полска.
За време на пандемијата, европскиот бизнис со товари беше продаден на берлинската „Сендер Технолоџис“ и фокусот беше префрлен на основните операции. Преземањето на „Трансплејс“ од страна на „Убер Фрајт“ во 2021 година и овозможи повторно да влезе во Европа како управуван транспортен провајдер кој користи софтвер наместо брокер за товар кој обезбедува капацитет.
Флоријан Нојхаус, експерт за логистика и партнер во „Мекинси“ во Виена, рече дека постои можност во европската логистичка индустрија да се стандардизираат оперативните платформи на испраќачите.
„Кога ќе ги погледнете повеќето големи компании и брокери кои конкретно нудат патна логистика, сите тие развиваат свои системи за управување со транспортот“, рече тој.
Според Рон, „Убер Фрајт“ може да биде „контролна кула за целиот синџир на снабдување“ – управување со нарачки, планирање набавки и справување со транспортни партнери. Ова ќе помогне во транспарентноста во процесот, особено во Европа каде што јаглеродниот отпечаток на превозот е повисок приоритет за следење.
