.webp){kind=icon}
Во две блок-трансакции со вкупна вредност од 26,3 милиони денари (429.000 евра) во изминативе два дена на Македонската берза беа продадени 394 акции од „Макпетрол“. Во првата блок-трансакција во четвртокот беа продадени 243 акции односно 0,22 проценти од главнината на друштвото за 16,2 милиони денари (264.731 евро). Во втората блок-трансакција вчера беа продадени 151 акција односно 0,13 проценти од главнината на друштвото за 10,1 милиони денари (164.504 евра). Акциите во двете трансакции се продадоа по цена од 67.000 денари за акција.
Раздвижувањето во тргувањето со акции на компанијата доаѓа во период кога полека истекува крајниот рок за прифаќање на понудата за преземање на компанијата од страна на „Оилко“.
„Блумберг Адрија“ неодамна пишуваше дека „Оилко“ направи две измени на понудата за преземање на „Макпетрол“ со кои се пролонгира рокот за прифаќање на понудата и се намалува количеството акции што треба да се откупат за понудата да се смета за успешна.
Прочитај повеќе
„Оилко“: Постигнат прагот на успешност во преземањето на „Макпетрол“
Постапката за преземање продолжува согласно законските прописи и рокови.
07.03.2024
„Оилко“ ја симна границата за успешност на преземањето на „Макпетрол“ од 50.000 на 100 акции
Се менува количеството акции што треба да се откупат за понудата да се смета за успешна.
06.03.2024
Како цената на гасот ја стопи добивката на „Макпетрол“
Продолжувањето на воените конфликти, намалувањето на цените на енергентите, монетарните мерки и високата инфлација влијаеле и врз работењето на компанијата.
29.02.2024
КХВ дозволи „Оилко“ да даде понуда за преземање на „Макпетрол“
Преземачот се обврзува да ги откупи хартиите од вредност по цена од 67.001 денари по акција.
20.02.2024
„Оилко“ бара амин од Антимонополската комисија за преземањето на „Макпетрол“
Комисијата ги повикува сите заинтересирани страни да достават забелешки и мислења за оваа концентрација.
29.01.2024
Собранието на „Оилко“ даде зелено светло за преземање на „Макпетрол“
Во понудата за преземање, се утврдува праг на успешност од 50.000 обични акции со право на глас, што претставува 44,49 проценти од вкупниот број обични акции
23.01.2024
„Оилко“ ќе се задолжи кај „Комерцијална“ и „Халк банка“ за преземањето на „Макпетрол“
Се предвидува компанијата да се задолжи во „Комерцијална банка“ АД Скопје до максимален износ од 3.259.532.386 денари (53 милиони евра).
27.12.2023
Со првата измена рокот за прифаќање на понудата за преземање беше променет од првичните 28 календарски дена од денот на објавата на понудата на 35 календарски дена. Според тоа, првичниот рок, кој беше од 22 февруари до 20 март годинава, се помести до 27 март.
Со втората измена, износот на најмалото количество акции за кои треба да биде прифатена понудата за таа да се смета за успешна беше намален од првичните 50.000 на 100 акции. По направените измени, „Оилко“ соопшти дека прагот на успешност е постигнат и дека постапката за преземање продолжува согласно законските прописи и рокови.
Инаку, понудата за преземање се однесува на 72.644 обични акции со право на глас, издадени од ,,Макпетрол“ АД - Скопје, кои не се во сопственост на „Оилко“ и физичките лица што дејствуваат заеднички со него.
„Макпетрол“ има издадено 112.382 обични акции со право на глас, од кои 11.238 се сопствени акции, без право на глас, а 28.500 обични акции, со право на глас, се во сопственост на „Оилко“ - Скопје и физичките лица што дејствуваат заеднички со него. „Оилко“ сака да ги преземе преостанатите акции од „Макпетрол“ по цена од 67.001 денар за акција.
