Акционерите на командитното друштво „Оилко“ ќе добијат по 600 денари во бруто-износ по акција како дивиденда за работењето на друштвото во 2023 година. Одлуката за прераспределба на добивката е предлог-точка на дневен ред на акционерското собрание, кое е закажано за 18 мај годинава. „На акционерите на ’Оилко КДА’ - Скопје им се одобрува плаќање на дивиденда во бруто-износ во висина од 141.543.000 денари (2,3 милиони евра), односно бруто-цена од 600 денари по акција“, се наведува во предлог-одлуката.
Дивидендата што ќе ја добијат акционерите е иста како и минатата година, кога се распределуваше профитот за 2022 година.
Компанијата ја распределува добивката од 2023 година во износ од 238.303.872 денари (3,9 милиони евра) и акумулираната добивка од претходната година, во износ од 111.740.379 денари (1,8 милион евра), односно добивка во вкупен износ од 350.044.251 денар (5,7 милиони евра). Од целата сума, дел или 11.915.193 денари (194 илјади евра) се за задолжителна резерва, дел е за дивиденда, а за исплата на управителот се предвидени 1.530.000 денари (безмалку 25.000 евра). Вработените, како што е наведено во предлог-одлуката, ќе добијат 13.000.000 денари (над 211 илјади евра), а останува и дел за посебни резерви за стекнување сопствени акции со откуп.
Прочитај повеќе
„Оилко“ успеа да преземе само 2,1 проценти од акциите на „Макпетрол“
Понудата за преземање се однесуваше на сите 72.644 обични акции со право на глас издадени од „Макпетрол“ АД Скопје.
02.04.2024
„Оилко“: Постигнат прагот на успешност во преземањето на „Макпетрол“
Постапката за преземање продолжува согласно законските прописи и рокови.
07.03.2024
„Оилко“ ја симна границата за успешност на преземањето на „Макпетрол“ од 50.000 на 100 акции
Се менува количеството акции што треба да се откупат за понудата да се смета за успешна.
06.03.2024
Како цената на гасот ја стопи добивката на „Макпетрол“
Продолжувањето на воените конфликти, намалувањето на цените на енергентите, монетарните мерки и високата инфлација влијаеле и врз работењето на компанијата.
29.02.2024
Управниот одбор на „Макпетрол“ ја доби понудата за преземање од „Оилко“
Постапката за преземање на друштвото продолжува согласно законските прописи и рокови.
22.02.2024
КХВ дозволи „Оилко“ да даде понуда за преземање на „Макпетрол“
Преземачот се обврзува да ги откупи хартиите од вредност по цена од 67.001 денари по акција.
20.02.2024
Според Централниот депозитар за хартии од вредност, заклучно со денеска, најголем акционер во „Оилко“ е „Макпетрол“, кој поседува 35,61 отсто од акциите, следува Андреја Јосифовски, кој има 14,98 отсто од акциите.
Според пресметката, Јосифовски на име дивиденда од „Оилко“ треба да земе 22.552.800 денари (367 илјади евра).
„Оилко“ е единственото командитно друштво во земјава. Основано е од „Макпетрол“ и од физички лица вработени во таа најголема македонска компанија за малопродажба на нафтени деривати. Комплементатори во друштвото се Андреја Јосифовски и Саша Лекиќ, управител е Дејан Левески.
„Блумберг Адрија“ во претходниот период пишуваше за обидот на друштвото да преземе акции на „Макпетрол“. Сите текстови овде.
.webp){kind=icon}
