Финската технолошка компанија „Модирум“ (Modirum) соопшти дека купила мнозински удел во македонската софтверска компанија „ИТгма“ (ITgma). Вредноста на трансакцијата не е објавена. Од компанијата велат дека овој стратешки потег претставува значајна пресвртница за „Модирум“ бидејќи се воспоставува платформа за деловните сектори како што се критичните комуникации, финансиите, телекомуникациите и енергијата.
Теро Силвола, извршен директор на „Модирум“ соопшти дека „Модирум“ е компанија за развој со напредно размислување со повеќе од две децении искуство. Тој посочи дека стекнувањето на „ИТгма“ овозможува пристап до клучните пазари, особено во секторите телекомуникации и финансии.
„‚ИТгма‘ е олицетворение на претприемачката извонредност и енергија, со четворица основачи кои прецизно негуваа просперитет на нивната компанија. Возбудени сме што ќе ги обединиме силите и ќе го продолжиме ова патување заедно – обезбедувајќи успех на ‚Модирум‘“, вели Силвола.
Од компанијата велат дека „Модирум“ е подготвена за забрзан раст, примарно насочен кон регионот ДАЦХ (DACH), нордиските земји, Балканот и Блискиот Исток.
Јари Хеикинен, претседател и основач на „Модирум“ информира дека компанијата сака да биде лидер во три клучни сектори: платформи за одбранбениот сектор, платформи за банкарство и плаќање и платформи за индустрија.
„Секоја од овие деловни области ќе биде предводена од сопствената структура на компанијата, опремена со приспособени стратегии и врвни извршни тимови“, вели Хеикинен.
Тој додава дека првите аквизиции во рамките на бизнисот со индустриски платформи биле завршени во 2023 година преку партнерства со финската „Клауддривен“ (Cloudriven) и македонската „Веб фактори“ (WebFactory). Во однос на одбранбениот сектор стекнат е мнозински удел во технолошкиот лидер „НСИОН Технолоџис“(NSION Technologies), која сега работи под името „Модириум Секјурити Технолоџиес“ (Modirum Security Technologies).
„Додека трансакцијата во „ИТгма“ се фокусира на секторот индустриска платформа, ние продолжуваме да користиме синергии во нашите други деловни единици во „Модириум“ кои се развиваат“, вели Хеикинен.
Филип Петков, управен директор на „ИТгма“, го сподели својот ентузијазам за партнерството велејќи дека „Модирум“ претставува идеален партнер и платформа за траекторијата на раст на компанијата.
„Со заеднички вредности и високо мотивирачка мисија, ние сме посветени да обезбедиме органски и неоргански раст на „Модириум“. Тимот на „ИТгма“ од над 125 специјалисти, кои ги прошируваат тековите на приходите и профитабилните операции претежно во Европа и Блискиот Исток, е посветен на испорака на вредност. Заедно, имаме за цел да напредуваме како вистинска компанија за длабока технологија, користејќи скалабилни платформи и услуги управувани од вештачка интелигенција“, вели Петков.
.webp){kind=icon}
