Акциите на „Најк“ (Nike Inc.) паднаа откако најголемата светска компанија за спортска облека издаде годишна прогноза што не ги исполни очекувањата, зголемувајќи ја загриженоста на инвеститорите поради намалената побарувачка за нејзините патики и облека.
Сопственикот на брендовите „Џордан“ (Jordan) и „Конверс“ (Convers) смета дека приходите во тековната фискална година, која започна месецов, ќе паднат на средно едноцифрени. Според процените составени од „Блумберг, аналитичарите очекуваа раст од околу два отсто годинава.
Акциите паднаа дури за 13 отсто во продолженото тргување на њујоршката берза во четвртокот вечер. Акцијата веќе е намалена за 17 отсто во изминатите 12 месеци. Преостанатите трговци на мало за спортски производи исто така паднаа по извештајот на „Најк“, вклучувајќи ги „Фут локер“ (Foot Locker Inc.), „Андер армор“ (Under Armour Inc.), ДСГ (Dick's Sporting Goods Inc.) и „Лулулемон“ (Lululemon Athletic Inc).
Bloomberg Mercury
Падот продолжи на азиските берзи за време на утринското тргување во петокот. „Ли Нинг“ (Li Ning Co Ltd) падна за цели 3,5 отсто, додека „Анта“ (Anta Sports Products Ltd) падна за 2,5 отсто. А ударот го почувствуваа и доставувачите на „Најк“. Во Хонгконг, Шенжу (Shenzhou International Group Holdings Ltd) падна дури за 5,4 отсто, „Ју Јуен“ (Yue Yuen Industrial Holdings Ltd) падна за 6,7 отсто, додека „Фенг Тај“ (Feng Tay Enterprise Co.) во Тајван падна за 7,9 отсто.
Продажбата на „Најк“ настрада во последните квартали бидејќи обидот да се префрли од трговци на големо кон други канали не успеа. Продажбата на нејзината веб-страница, апликации и продавници падна за 8 отсто во фискалниот четврти квартал, под очекувањата на Волстрит.
Слабоста на сопствените продажни канали на „Најк“ е „изненадувачка и причина за загриженост, бидејќи гигантот за спортска облека би можел да ги одврати своите основни клиенти поради недостигот од новитети“, рече аналитичарот на „Блумберг интелиџенс“ (Bloomberg Intelligence) Пунам Гојал.
Директорите на „Најк“ за забавувањето делумно ги обвинија нивните брендови „Ер форс 1“ (Air Force 1) и „Најк данкс“ (Nike Dunks), кои заземаат голем дел од онлајн продажбата и чија продажба падна за првпат од почетокот на пандемијата, кога побарувачката за секојдневна облека се зголеми.
Приходите во четвртиот квартал паднаа за 1,7 отсто, на 12,6 милијарди долари, што е под просечната процена на аналитичарите. Посебно лош резултат е забележан во подружницата „Конверс“, позната по „старките“, каде што приходите паднале за 18 отсто поради слабата продажба, како на северноамериканскиот така и на западноевропскиот пазар.
Во исто време продажбата во Кина беше 1,86 милијарда долари, што ја надминува просечната процена, а заработката по акција исто така ги надмина очекувањата.
.webp){kind=icon}
