БЈД урива рекорди во продажбата на возила

„БЈД“ (BYD Co.) продаде рекорден број електрични и хибридни автомобили во вториот квартал, покажуваат податоците за продажбата собрани од „Блумберг Њуз“ (Bloomberg News), откако намалувањето на цените и новата технологија ги поттикнаа потрошувачите да купуваат.

Најпродаваниот автомобилски бренд во Кина продаде речиси милион модели во тој период, зацврстувајќи го закрепнувањето по бавниот почеток на годината. Продажбата беше делумно поттикната од потегот на компанијата да ги намали цените кај повеќето модели претходно оваа година, жртвувајќи ја профитабилноста, за да ги таргетира бензинските модели направени од странски брендови.

Што се однесува до електричните возила, со кварталната продажба од 426.000 единици автомобилскиот гигант со седиште во Шенжен се‘ уште е далеку од претекнување на „Тесла“ (Tesla Inc.) која и понатаму е најголем продавач на електриучни возила на глобално ниво. „Тесла“ за која аналитичарите предвидуваат продажба од 441.019 електрични возила во вториот квартал, доживува пад во продажбата на клучните пазари како Кина и Европа.

Во периодот меѓу април и јуни, БЈД продаде рекордни 982.747 патнички возила. Во јуни продажбата изнесуваше 340.211 електрични и хибридни патнички возила, исто така рекорд на месечно ниво. Извозот, исто така, се зголеми за над 100.000 за прв пат во еден квартал откако трговските тензии се зголемија.

Повратот од САД и од неодамна од Европската унија во врска со кинескиот извоз на електрични возила може да ги поткопа глобалните амбиции на БЈД на клучните пазари. Во Европа, продажбата беше бавна дури и пред целосно да се наметнат дополнителните тарифи. Компанијата се надева дека делумно ќе ги освои потрошувачите со спонзорирање на фудбалскиот турнир на Европското првенство.

Во текот на вториот квартал, БЈД го лансираше својот прв хибриден пик-ап во Мексико за да се прошири на нов тип на возило. Автомобилската марка, исто така, претстави нова плагин хибридна платформа способна за повеќе од 2.000 километри досег, што дополнително ја зголеми продажбата.

Акциите на БЈД на берзата во Хонг Конг пораснаа за 15 проценти во последниот квартал, надминувајќи ја добивката на „Тесла“ од 13 проценти и на повеќето врсници во индустријата, кои паднаа во истиот период.

Во моментов нема коментари за веста. Биди прв да коментира...

Остави коментар