Комисијата за хартии од вредност на последната седница донесе решение со кое на друштвото за управување со отворени и затворени инвестициски фондови „ВФП Фонд Менаџмент“ АД Скопје му се дава одобрение за организирање на нов отворен инвестициски фонд – „ВФП етикс акции“. КХВ даде согласност на статутот и на проспектот на новиот фонд, како и „Комерцијална банка“ АД Скопје да ги врши работите на депозитарна банка.
„Главна карактеристика на „ВФП етикс акции“ е посветеноста на исклучиво етички инвестиции според шеријатското право. Целта на фондот ќе биде да се постигне финансиски принос, но на етички начин. Дополнително, секоја инвестиција во фондот ќе биде одобрена од етички одбор создаден исклучиво за функционирање на фондот“, информираат од КХВ.
Станува збор за фонд кој е наменет за клиенти кои сакаат атрактивен принос преку искористување на глобалниот раст на светската економија (САД, Германија и Швајцарија). Како инвеститори на фондот може да се јават домашни и странски, правни и физички лица, а временскиот период кој е препорачлив за вложување во фондот е најмалку 10 години.
Прочитај повеќе
![Што ќе им донесе на акционерите принудниот откуп на акции по фер цена](/data/images/2023-03-08/25262_makedonska-berza_kf.jpg)
Што ќе им донесе на акционерите принудниот откуп на акции по фер цена
Измените во Законот за трговски друштва ги поставуваат правилата за истиснување на малцинските акционери.
11.03.2024
![Нема зима за македонските инвестициски фондови](/data/images/2023-09-07/40910_depositphotos-379865772-l_kf.jpg)
Нема зима за македонските инвестициски фондови
Во четвртиот квартал од 2023 година зголемувањето на вкупната нето-вредност на средствата на инвестициските фондови изнесува околу 1,1 милијарда денари (19 милиони евра).
07.02.2024
„Средствата на фондот ќе бидат инвестирани во акции - преносливи хартии од вредност на издавачи од земјата и странство без географски ограничувања (85 – 100 проценти) и парични средства (0 – 15 проценти)“, наведуваат од КХВ.
На вчерашната седница, КХВ исто така му даде одобрение на друштвото за управување со задолжителни и доброволни пензиски фондови „Триглав пензиско друштво" АД Скопје да издаде четврта емисија од 20.000 обични акции со вкупен износ од 1.000.000 евра во денарска противвредност. Емисијата е наменета за „Заваровалница Триглав“ д.д Љубљана како институционален инвеститор. Од КХВ информираат дека „Триглав пензиско друштво" АД Скопје издава нови обични акции заради зголемување на основната главнина, со цел одржување на потребниот износ на главнина пропишан со Законот за доброволно капитално финансирано пензиско осигурување.
Истовремено, комисијата даде согласност на одлуката за измена на назив на фирма и измени на статутот на друштвото за управување со отворени и затворени инвестициски фондови „Генерали Инвестментс“ АД Скопје кое добива нов назив друштво за управување со отворени и затворени инвестициски фондови „НЛБ Фондови“ АД Скопје.