.webp){kind=icon}
„Нова љубљанска банка“ (НЛБ) ги доби сите потребни регулаторни дозволи од надлежните надзорни органи за купување 100 отсто од акциите во СЛС (SLS Holdco), матичната компанија на „Самит лизинг Словенија“ (Summit Leasing Sloveniа). Така индиректно стана сопственик на компанијата „Мобил лизинг“ (Mobil Leasing), која има лиценца за работа на хрватскиот пазар.
Откако НЛБ на крајот на јуни првпат доби одобрение од Хрватската агенција за супервизија на финансиските услуги (ХАНФА), а кон средината на јули и од словенечката агенција за заштита на конкуренцијата (АВК), зелено светло за комплетирање на зделката даде и Европската централна банка (ЕЦБ). Се очекува таа да биде финализирана во средината на септември.
„Купувањето водечки франшизи на пазарот е секогаш предизвик, затоа ги цениме напорот, транспарентноста и конструктивниот однос на регулаторот, што донесе позитивен резултат и за ’НЛБ групацијата’ и за бизнисот и за сите вработени во 'Самит лизинг'“, рече Блаж Бродњак, претседател на Управниот одбор на НЛБ.
Прочитај повеќе
НЛБ е одговорна за старите долгови на Љубљанска банка, одлучи Европскиот суд
Европскиот суд за човекови права го одби како очигледно неосновано барањето на НЛБ за утврдување повреда на правото на правично судење.
19.01.2024
НЛБ Фонд го купува македонскиот „Генерали инвестментс“
Потпишан е договор за купување на 100 процентен удел во македонското друштво за управување „Генерали инвестментс А.Д. Скопје“.
15.11.2023
Блаж Бродњак, НЛБ: Ако нема аквизиции, дивидендата ќе биде поголема
„Групацијата НЛБ првата половина од годината ја завршува на стабилна и финансиски силна позиција“, истакна повеќепати првиот човек на банката Блаж Бродњак.
14.08.2023
Со купопродажниот договор за „Самит лизинг“, кој беше склучен на 30 ноември 2023 година, веќе беше навестено дека лизингот ќе стане важен дел од бизнисот на банкарската групација. „Се очекуваше преку органски раст во зрелата фаза да се придонесе со повеќе од една милијарда евра во вкупниот биланс на групацијата, а со аквизицијата на 'Самит лизинг' оваа амбиција беше значително забрзана“, соопштуваат од НЛБ.
Имајќи го предвид спроведувањето на одредени подготвителни активности, трансакцијата ќе биде завршена во средината на септември 2024 година, а спојувањето на двете подружници на НЛБ (NLB Lease&Go) и „Самит лизинг“ се очекува во вториот квартал на 2025 година.
Бизнисот во областа на лизингот во Словенија, кој го врши NLB Lease&Go, зема замав. Таа подружница влезе на пазарот во пролетта 2020 година. Две години подоцна, нови компании за лизинг на „НЛБ групацијата“ беа основани во Македонија и во Србија. Во 2023 година групата дополнително ја зајакна својата стратегиска позиција. Во Словенија, NLB Lease&Go контролира 10 отсто од пазарот.
Влез на хрватскиот пазар
Хрватската агенција за надзор на финансиските услуги (ХАНФА) веќе одобри преземање на 100 отсто од „Мобил лизинг“. Компанијата има удел од 3,3 отсто на хрватскиот пазар за лизинг и има 3.500 договори за финансирање возила. Хрватскиот регулатор ја донесе одлуката откако ги анализираше финансиската состојба и соодветноста на купувачот, земајќи ги предвид сите релевантни законски критериуми.
ХАНФА оцени дека НЛБ ги исполнува сите услови за преземање според Законот за лизинг и дека нема основи за сомневање за перење пари или финансирање тероризам. Земајќи ги предвид процедурите за трансфер на депозити меѓу „Љубљанска банка“ и НЛБ и „Загрепска банка“ и „Привредна банка Загреб“, ХАНФА исто така смета дека станува збор за стекнување удел на компанија што се занимава со лизинг, така што таа регулатива не е релевантна, се додава во соопштението.
Зеленото светло е важно за НЛБ и поради купувањето на „Адико банка“ (Addiko), со кое сака да влезе на банкарскиот пазар во Хрватска.
