„Комерцбанк“ подготвува одбрана за можното преземање од страна на „Уникредит“

Извршниот одбор на „Комерцбанк“ (Commerzbank AG) ја ревидира својата одбранбена стратегија додека се подготвува за потенцијален обид за преземање од страна на „Уникредит“ (UniCredit SpA). Германската банка, која беше изненадена од обелоденувањето на информацијата дека „Уникредит“ стекнала удел од девет проценти, презема мерки на претпазливост пред битката со италијанскиот ривал, според луѓе запознаени со ова прашање.

Се очекува претставниците на вработените да направат заеднички напори за да изградат политичка поддршка за отфрлање на обидот за преземање.

„Голдман Сакс“ дејствува како советник за одбрана на „Комерцбанк“. Портпаролот на „Комерцбанк“ одби да коментира.

Ваквите потези ја нагласуваат новата позиција на „Комерцбанк“, која се најде во центарот на вниманието, иако поради регулаторните и политичките блокади тешко е да се реализираат големи банкарски спојувања во Европа. Главниот извршен директор на „Уникредит“, Андреа Орсел, има искуство во големи зделки и постојано повторува дека „Уникредит“ сака да биде „Банка за Европа“.

„Комерцбанк“ долго време се смета за како погодна за „Уникредит“ со оглед на нејзината големина во Германија и нејзините операции во Полска.

Во моментов нема коментари за веста. Биди прв да коментира...

Остави коментар