„ТТК Банка“ во периодот јануари-септември годинава оствари добивка од 78 милиони денари (1,2 милиони евра), што е намалување во однос на истиот период минатата година кога добивката на банката изнесувала 86,1 милиони денари (1,4 милиони евра), покажува неревидираниот биланс на успех на банката објавен преку Македонската берза. Од банката информираа дека остварениот финансиски резултат е за 34,2 проценти над планираното ниво за крајот од третото тромесечје од 2024 година.
Во однос на очекувањата за престојниот период, од банката велат дека најновите услови во економијата овозможуваат да се продолжи со претпазливо нормализирање на поставеноста на монетарната политика.
Прочитај повеќе
За акционерите на „ТТК банка“ третина од дивидендата во пари
Висината на бруто-дивиденда по акција ќе изнесува 108 денари, односно 10,8 отсто од номиналната вредност на акциите.
28.02.2024
ТТК Банка оствари добивка од 265.000 евра за три месеци
Нето-приходите од камати бележат пораст од 24,1 проценти
03.05.2023
„Оттука, централните банки почнаа да ги олабавуваат затегнатите монетарни политики, што сигнализира дека каматните стапки ќе продолжат постепено да се намалуваат и во претстојниот период“, велат од банката.
Оттаму додаваат дека и натаму треба да се следат ризиците поврзани со надворешното окружување, пред сè, цените на примарните производи, коишто сè уште се под влијание на нестабилниот геополитички контекст и климатските промени, а треба да се внимава и на ризиците од домашните фактори коишто можат да влијаат врз побарувачката и цените во следниот период.
„Сегашната клима сугерира дека и во следниот период банката и понатаму внимателно ќе ги анализира тековните макроекономски параметри, ќе ги следи мерките, активностите и предвидувањата на економските авторитети и на носителите на економските политики и на операторите, ќе ги усогласува интерните индикатори и ќе го приспособува нејзиното работење на пазарните услови, со фокус кон одржување на ликвидноста и на долгорочната стабилност“, велат од „ТТК Банка“.
.webp){kind=icon}