Македонија доби нов ски-центар

Новиот ски-центар „Михајлово“ денеска почна со работа. Тој се наоѓа на планината Кожуф, а 35 километри оддалеченост од Кавадарци. Центарот располага со ски-патека, ски-лифт и сите неопходни елементи за скијачки центар. Од Кавадарци до ски-центарот има организиран превоз, а повратен билет чини 280 денари.

„Михајлово“ се наоѓа на 1.300 метри надморска височина, а патеката е долга 400 метри, ски-лифтот е со капацитет од 600 лица на час, а скијачкиот појас има капацитет за 800 лица. За почетниците има посебна патека. а има и други реквизити и содржини за најмладите, како и посебна лента за учење на почетници.

Социјални мрежи/Митко Јанчев

„Одржувањето е на Општина Кавадарци, а во програмата за физичко образование младите ќе имаат бесплатно скијање и бесплатно учење на скијање“, рече денеска Митко Јанчев, градоначалник на Кавадарци.

Центарот располага со четири сезонски вртелешки, мобилна пумпа, црево со висок притисок, филтри, хидрант, снежни топови и заштитна мрежа, а има потенцијал за развој на туризмот преку отворање ресторани, хотели и индивидуални сместувачки капацитети.

Во новиот ски-центар сезоната ќе може да се продолжува со вештачки снег, а во лето може да служи за спортови со велосипед и други спортски и рекреативни активности.

Со ски-центарот ќе стопанисува спортскиот центар „Јасмин“. Теренските работи на ски-центарот се донација од компанијата „ЈА МИ“ – Кавадарци, а инвестицијата е донација од 231.660 евра од кои 115.000 евра се од Комерцијална банка, а 115.000,00 евра од „Кожувчанка“, компанија во сопственост на градоначалникот Јанчев.

Во моментов нема коментари за веста. Биди прв да коментира...

Остави коментар