.webp){kind=icon}
Втор пат во македонската историја на пазарот ќе биде издадена нова емисија на перпетуални обврзници по пат на приватна понуда. Повторно ја издава УНИбанка АД Скопје, а собраниот капитал ќе биде наменет за основната главнина на друштвото.
Вкупниот износ на обврзниците е 2,5 милиони евра, ќе се издадат 2.500 обврзници по цена од 1.000 евра. Станува збор за конвертибилна, необезбедена обврзница, а во новата емисија се издаваат со фиксна годишна каматна стапка од 5 проценти на годишно ниво за првите пет години. Потоа каматата ќе биде 7 проценти на годишно ниво.
Обврзниците не се гарантирани, односно не се покриени од друг вид на обезбедување на банката. Обврзниците може да се тргуваат на секундарен пазар.
Каматата ќе доспева за плаќање полугодишно односно на датумот на изминување на 6 месеци од датумот на издавање на обврзницата; на датумот на издавање на обврзницата (датумот на регистрирање на обврзницата во ЦДХВ) секоја година.
Каматата ќе се пресметува во евра, а ќе се исплаќа во денари по среден курс на Народната банка на денот на исплата на трансакциските сметки на имателите на обврзницата.
Банката може по сопствено видување да одлучи да ја укине, односно да не плаќа камата за неопределен временски период.
Во одлуката на Собранието на акционери објавени се и купувачите.
Македонска берза
Првата емисија од овој капитален инструмент на „УНИ Банка" беше издадена по цена од 1.000 евра за обврзница во 2019 година и беше првиот ваков производ на македонскиот финансиски пазар. Перпетуалната обврзница, претставува инструмент за хибридно финансирање, којшто ги обединува карактеристиките на акција и на обврзница и се исплаќа камата на инвеститорите два пати годишно.
Перпетуалната обврзница од првата емисија котира на официјалниот пазар на Македонска берза и со истата може да се тргува.
