„Рајанер“ (Ryanair Holdings Plc) побара од европските власти да ја ограничат продажбата на алкохол на аеродромите, обновувајќи го својот повик за строги мерки поради низа скапи нарушувања од страна на патниците.
Ирската нискобуџетна авиокомпанија изјави дека поддржува максимум по два пијалака на аеродромите, наведувајќи инцидент од април 2024 година, кој ја чинел повеќе од 15.000 евра.
„Не разбираме зошто патниците на аеродромите не се ограничени на два алкохолни пијалака“, изјавија од „Рајанер“. „Toa би резултирало со побезбедно и подобро однесување на патниците во авионот“.
Прочитај повеќе
Осум нови производи што ќе ви го олеснат патувањето за време на празниците
Во рамките на редизајнираниот и редефиниран „Блумберг бизнисвик“ започнавме да подготвуваме месечни листи на нови производи.
19.12.2024
Не знаете што да подарите за празниците? Што велите за патување?
Од раскошни планини, преку божиќен град, до медено задоволство: откријте помалку познати места и необични дестинации.
21.12.2024
Како вештачката интелигенција помага во планирањето на патувањето
Новите функции користат вештачка интелигенција на начин што е многу повидлив за луѓето.
25.03.2024
Како до најдоброто место во авион, бесплатно?
Влезете последен и ќе можете да ги проверите сите седишта.
15.02.2024
Инцидентите на летовите се зголемија за време на пандемијата на ковид-19 и остануваат високи, што ги поттикна авиокомпаниите и стјуардесите во Европа и во САД да повикаат на ограничувања на консумацијата на алкохол на земја. Нивните кампањи наидоа на отпор од аеродромите, како и од пабовите што заработуваат од продажбата.
„Многу места за храна и пијалаци веќе го ограничуваат служењето алкохол и огромното мнозинство патници пијат одговорно пред летот“, изјави Кејт Николс, извршна директорка на трговската група „УК хоспиталити“ (UKHospitality).
„Пабовите не се единствените места на аеродромите што служат алкохол и сите места, вклучувајќи ги салоните и бесцаринските продавници, имаат обврска да се однесуваат одговорно“, посочи таа преку е-пошта.
Извршниот директор на „Рајанер“, Мајкл О'Лири, во август изјави дека поднапиените патници се најголем предизвик за екипажите, особено на дестинации за забава како шпанскиот остров Ибица. Авиокомпанијата ја ограничува продажбата на алкохол на своите летови, особено кога има нарушувања, изјавија оттаму во понеделникот.
Американската федерална управа за авијација минатата година соопшти дека имало 915 случаи на недисциплинирани патници во првите шест месеци од 2024 година, вклучувајќи 106 случаи поврзани со интоксикација. Во меѓувреме, податоците од Меѓународната асоцијација за воздушен транспорт покажуваат дека имало еден инцидент со несовесен патник на секои 480 лета глобално во 2023 година, наспроти еден инцидент на секои 568 лета во 2022 година.
„Рајанер“ предлага двата дозволени пијалака да се воведат со печати на бординг-картите, слично на начинот на кој се ограничуваат продажбите во бесцаринските продавници.
Инцидентот од април 2024 година се случи на лет од Даблин до Ланзароте (шпански остров), кој мораше да биде пренасочен кон Порто во Португалија. Речиси половина од дополнителните трошоци дојдоа од трошоците за ноќевање за патниците и екипажот, истакна авиокомпанијата.
Патникот беше уапсен и се соочува со граѓанска постапка од „Рајанер“, откако португалскиот суд го препрати случајот во Ирска, соопшти авиокомпанијата.
.webp){kind=icon}
Во моментов нема коментари за веста. Биди прв да коментира...