Без разлика дали сте уморни од преиспитување на сопствената експертиза за да го пронајдете најдобриот авионски билет за летување или ви снемало инспирација за вашиот следен одмор, „Кајак“ (Kayak) верува дека со помош на генеративната вештачка интелигенција може да ги реши сите ваши проблеми.
Сајтот за пребарување во сопственост на „Букинкг холдинг“ воведе две алатки што ги користат напредните способности на ЧетГПТ за да ги олеснат сите ваши одлуки за купување. Новите алатки се дизајнирани да ви помогнат да ја пронајдете совршената дестинација и потоа да го олеснат споредувањето на авионските билети.
Првата алатка, „Аск Кајак“ ја подобрува постојната алатка „Експлор“ со користење бесплатен четбот базиран на текст, создаден за да ви помогне да ја изберете вашата следна дестинација за одмор.
Со „Експлор“ се движите низ карта што ги прикажува цените на билетите кога зумирате на различни дестинации и региони.
„Аск Кајак“ оди чекор подалеку и сега можете да побарате од четботот да ви ги обезбеди цените на билетите за дестинации што одговараат на вашиот буџет, но и да постави дополнителни параметри како временска зона, должина на летот и вид на активност за која сте заинтересирани. На тој начин, „Аск Кајак“ значително ќе го скрати патот до наоѓањето идеална локација што совршено одговара на вашето барање, а тоа може да биде - одмор на затскриена плажа за која билетите не се премногу скапи и до која летот трае пет часа од најблискиот аеродром.
„Кајак прајсчек“
Друга алатка, „Кајак прајсчек“ (Kayak PriceCheck), е дизајнирана како асистент за купување авионски билети - кога ќе најдете лет што ви се допаѓа на која било локација, направете скриншот од летот и вметнете ја сликата во апликацијата „Кајак“, која потоа ќе пребарува преку 100 партнерски страници за најдобра цена.
Теоретски, можете да го направите ова преку опциите за филтрирање на пребарувањето авионски билети на „Кајак“, но „Прајсчек“ прави сè побрзо и поефикасно кога станува збор за споредба на цените.
„Кајак“ не е единствената опција што моментално ја користи моќта на вештачката интелигенција за да го олесни планирањето на патувањето. Голем број компании за онлајн резервации, како што се „Хопер“, „Експедиа“, „Букинкг“ и „Прајслајн“, исто така, интегрираа вештачка интелигенција во нивните опции, кои вклучуваат предвидувања на цените и помош преку текстуални прашања.
Depositphotos
Сите овие алатки ни даваат увид во многуте начини на кои вештачката интелигенција фундаментално ќе го промени начинот на кој планираме одмори и купуваме авионски билети и сместување. Можеби најочигледниот начин е да го отстраниме добропознатиот интерфејс што бара од нас да го започнеме секое пребарување со внесување датум и дестинација.
„Имаме долга историја на користење технологии за машинско учење и вештачка интелигенција - тоа е главно зад сцената“, вели Матијас Келер, главен научник и виш потпретседател за технологија во „Кајак“.
Тој објаснува дека новите функции користат вештачка интелигенција на начин што е многу повидлив за луѓето.
Корисниците може да почнат да ги користат новите алатки во апликацијата „Кајак“ оваа недела, а „Аск Кајак“ ќе биде достапен и на kayak.com.
Најдобро од сè, веќе имавме можност да ги тестираме и самите да ги видиме резултатите.
„Кајак прајсчек“
Келер изјави за „Блумберг“ дека „Прајсчек“ може да најде поевтини билети од конкурентите како „Гугл“, бидејќи пребарува повеќе локации. Наместо да продава авионски билети на својата страница, „Кајак“ има различен бизнис-модел, кој бара добри зделки и ги испраќа клиентите на други места каде што можат да купуваат, земајќи го делот од профитот од секоја продажба. Ова е и предност и можен проблем. Партнерствата со други сајтови може да помогнат да се најде најдобрата цена, но во исто време тие ги изложуваат корисниците на одреден ризик: кога купувате билети од страници на трети страни, а не директно преку авиокомпанијата, нема да добиете добра техничка поддршка и тој во случај наидувате на проблем.
Ако тоа е ризик што сте подготвени да го прифатите, „Прајсчек“ ќе ви служи добро.
Не само што ќе пребара стотици локации за да ви ја даде најдобрата цена за вашата маршрута туку ќе ви ги обезбеди и најдобрите алтернативи со најдобрата потенцијална заштеда на пари.
За време на нашето тестирање беа потребни околу 30 секунди за алатката да открие дека повратното патување од Вашингтон до Рим во средината на мај чини 60 долари помалку на страницата „Готогејт“ (Gotogate) отколку на страницата „Тап Португал“ (Tap Portugal) препорачана од „Гугл“.
Да се одлучевме за алтернативната маршрута, ќе заштедивме 464 долари, покажаа резултатите од алатката.
Сепак, налогот за летање што го прикажуваше воопшто не беше споредлив со ништо друго што се нуди. Наместо да ни даде директен лет, како што првично предложивме, поевтината опција вклучуваше ноќевање во Копенхаген на враќање. Ако ги вклучиме трошоците за дополнително сместување, храна и превоз, заштедата би била значително помала.
Други тестови покажаа слични резултати. За повратен лет од Лос Анџелес до аеродромот „Хитроу“ во Лондон за Меморијалниот ден во САД, „Кајак прајсчек“ ни кажа дека веќе го најдовме најдобриот лет од 1.107 долари на „Вирџин Атлантик“, но исто така даде два други предлога - поставување аларм во случај да се појави поевтин билет или лет до аеродромот „Гетвик“ во Лондон преку „Норс Атлантик“ со заштеда од 47 долари.
Ако ја користите алатката доволно долго, ќе откриете дека резултатите се сеопфатни, но не и огромни. Најдобриот лет што го најдовме преку пребарување на „Гугл“ за лет до Каиро во септември беше 812 долари повратен на „Катар ервејс“ (Qatar Airways), „Кајак прајсчек“ не можеше да го најде тој лет, но наведе алтернатива што ќе чини 62 долари помалку со „Саудија ерлајнс“ и може да се резервира преку евтините сајтови „Кристал травел“ или „Мајтрип“. (Секогаш внимателно истражувајте ги страниците на трети страни пред да купувате бидејќи некои имаат многу лоша репутација.)
Келер објаснува дека резултатите ќе зависат и од датумот на патување: колку поблиску е летот, толку е помала веројатноста да најдете подобра зделка.
„Аск Кајак“
Оваа алатка можете да ја најдете на страницата „Аск Кајак“ или преку менито од левата страна во апликацијата „Кајак“. Веднаш на почетокот ќе ви понуди опција да го изберете вашиот домашен аеродром над полето за пребарување со прашањето: „Што барате на вашето следно патување“.
Обесхрабрени од цената од 1.300 долари за повратен лет во економска класа од Рим, побаравме од „Kајак“ да најде европски алтернативи со подобри цени. Користејќи ги нашите однапред дефинирани датуми на патување - кои повторно ги внесовме - „Кајак“ меѓу другите опции ги предложи Барселона (авионски билет од 426 долари), Будимпешта (623 долари), Атина (704 долари), Прага (601 долар) и Лисабон (704 долари). Одговорите што ги добивме ја покажаа не само цената на билетот туку и цените на хотелот во јасен интерфејс, кој дава лесна можност за креирање буџет за целото патување.
Во второто барање побаравме „Кајак“ да биде наш туристички агент и да создаде одмор од почеток. Му рековме дека сакаме меѓународна дестинација на море на помалку од три часа од Њујорк, со временска зона на источниот брег и летови што чинат помалку од 400 долари по лице.
„Кајак“ ги предложи следните опции - Монтего Беј, Јамајка (344 долари), Пунта Кана, Доминиканска Република (294 долари), Канкун, Мексико (347 долари), Сан Хуан, Порторико (332 долари) и Насау, Бахами (366 долари). Истото барање за зимување во март ни ги донесе следниве резултати: Монтреал (333 долари) и Берлингтон, Вермонт (391 долар).
Гледањето на стотици дестинации се филтрира на пет понуди и дава чувство на олеснување и јасност. Тоа е значително подобрување во однос на лизгањето на мапата на „Експлор“, што всушност е повеќе забавна отколку продуктивна активност.
Во исто време, опциите што ги обезбедува „Кајак“ се значително поинформативни од пишувањето текст во ЧетГПТ. Овој пребарувач препорача само една дестинација (Бермудски Острови) за истото барање и не понуди конкретни цени или јасни опции за резервација на летови.
Сепак, има еден недостаток: не можете да го користите „Кајак“ како ЧетГПТ. Полето за внесување текст го ограничува секое барање во должина од една реченица, така што треба да бидете многу концизни и прецизни. Дополнителен проблем може да биде неможноста да се поставуваат дополнителни прашања за да се разјасни првото прашање. Ако сакате да добиете дополнителни информации, треба да започнете од почеток.
.webp){kind=icon}
