Американскиот претседател Доналд Трамп се закани дека ќе воведе нови царини и ограничувања за извозот на напредна технологија и полупроводници како одмазда за дигиталните даноци на услуги наметнати од други земји, кои ги погодуваат американските технолошки компании.
„Мерките се целосно насочени кон нанесување штета или дискриминација врз американската технологија и скандалозно, им даваат целосен имунитет на најголемите кинески технолошки компании. Ова мора да престане, и тоа веднаш!“, напиша Трамп на социјалните мрежи, без да спомене конкретни земји.
Инфлација во Македонија: Осум градови, осум производи, осум брзини на цените
Македонските граѓани никако да здивнат од растот на цените на производите и услугите односно од инфлацијата која во јули годинава забрза на 4,8 проценти. Највисок годишен раст на цените од 6,8 проценти минатиот месец имаше кај храната, што претставува и најголем удар за семејните буџети во Македонија. На прсти можат да се избројат производите во земјава кои што годинава ја задржале истата цена како и во минатата година или кои поевтиниле.
Сепак, инфлацијата не удира со ист интезитет насекаде, а најдобар показател за тоа се драстичните разлики во брзината на растот на цените на прехранбените производи во македонските градови. Анализираме како се движи инфлацијата во различните региони во земјава.
Инфлацијата одново ја врати платата како клучен фактор при вработување
Неоспорно е дека висината на платата е многу значајна при изборот на работното место, но исто така непобитен факт е дека во денешно време многу други бенефиции играат улога при изборот на работодавец. Одамна веќе се обрнува големо внимание на тоа што дополнително ќе им се обезбеди на вработените за да дојдат и да останат во компанијата во услови на глобален недостиг од работна сила.
Сепак, познавачите на пазарот на трудот велат дека инфлацијата ги замрси конците, па во услови на долг и речиси секојдневно видлив раст на цените платата одново се врати меѓу најважните приоритети при изборот за вработување наспроти другите привилегии што ги нудат компаниите, а кои веќе се сметаат дури и за неизоставен дел од понудата за вработување. Анализираме кои се најдобрите работодавачи во земјава и како се менуваат трендовите на пазарот на труд.
КХВ ја запре постапката за преземање на „Стопанска банка Битола“ поради промена на преземачот
„Стопанска банка“ АД Битола вчера добила известување од Комисијата за хартии од вредност дека се запира постапката за преземање на банката од страна на српската „Алта Груп“ поради промена на преземачот во рамките на истата групација.
„Во конкретниот случај, преземачот во барањето за запирање на постапката истакнал дека останува при намерата за преземање на ‚Стопанска банка‘ АД Битола, односно не се откажал од намерата за преземање, туку само врши промена на преземачот во рамките на истата групација“, наведуваат од банката.
Вeштачката интелигенција пречка за програмерите почетници да најдат работа
Вештачката интелигенција (ВИ) го прави потешко наоѓањето работа за работниците на почетни позиции во САД, во области како што се развој на софтвер и корисничка поддршка, според ново истражување.
Во неодамнешната студија истражувачите од Универзитетот „Стенфорд“ соопштија дека откриле дека во последните три години вработеноста кај лицата што започнуваат во области што се најизложени на ВИ опаднала за 13 отсто. Во оваа категорија влегуваат позиции како што се сметководители, програмери и административни асистенти. Истовремено, трендовите на вработеност останале исти или подобрени за поискусни работници во истите области, иако се забавиле за работниците на возраст од 22 до 25 години. Трендовите на вработеноста исто така се подобриле кај позициите што не се толку поврзани со технологија, како што се медицинските помошници.
Дури 71 отсто од онлајн искоцканите пари во Европа лани завршиле кај нелегални сајтови
Нелегалните оператори за коцкање минатата година освоија 71 отсто од европскиот пазар за онлајн обложување и казина, или 80,65 милијарди евра, додека регулаторите се мачеа да ги зауздат криптоказината, пазарите за предвидувања и нелиценцираните спортски обложувачници, и тоа во година на спортски подем.
Тоа претставува скок од 53 проценти на бруто-приходите од нелегални игри (разликата меѓу тоа што обложувачите го играат и тоа што го добиваат) во однос на 2023 година, според податоците од „Јилд сек“ (Yield Sec), објавени вчера. Растот на нелиценцираните платформи во 27-те земји на Европската Унија го надмина растот на регулираниот сектор, кој порасна за 30 проценти, на 33,64 милијарди евра, според извештајот.
.webp){kind=icon}
Во моментов нема коментари за веста. Биди прв да коментира...