Не знаете што да подарите за празниците? Што велите за патување?

Нема поубав подарок од патување. Во неодамна објавените трендови на пребарување на Гугл (Google) за 2024 година, некои од најбараните поими се поврзани токму со оваа индустрија, како и со гастрономски искуства што може да се најдат само на одредени дестинации. Во потрага по искуства и помалку познати места за божиќниот одмор, „Букинг“ (Booking.com) спроведе истражување на примерок од 32.300 корисници од 32 различни пазари.

Посетата на божиќните панаѓури се наведува како популарна активност за продолжен викенд или идеја за следно патување независно од новогодишните и божиќните празници. Меѓу многуте дестинации во светот во ова истражување, интересно е што се издвојуваат поретко посетени места, некои се далеку од нашиот дел од светот, а некои сосема надвор од очекувањата за дестинации за патување. Еве каде би патувале корисниците на „Букинг“ и што препорачуваат тие за празниците.

Тренто, Италија 

Градот го носи прекарот Божиќен Град (Città del Natale), а со снежните врвови на околните Доломити, кои ѕиркаат зад големата романско-готска катедрала, Тренто е магичен во секое време од годината, иако „Букинг“ вели дека е така особено на Божиќ. Самиот божиќен панаѓур нуди жива атмосфера со дрвени куќички украсени со шарени светилки. Идеален е за шетање и наоѓање соодветни подароци и сувенири, а нуди широк избор на локални производи, вклучувајќи ракотворби, божиќни украси, свеќи. Има и локални специјалитети, како питата од компири (Tortel de Patate), која содржи само три состојки: компир, масло и сол. Вкусните лесни оброци залејте ги со варено вино, топло чоколадо или парампамполи, традиционален италијански зимски пијалак направен од кафе, вино и мед. Љубителите на вистинската храна и тие што имаат малку повеќе време можат да научат како рачно да виткаат сфољи - свежи тестенини (sfoglia).

Booking.com

Препорака за сместување од „Букинг“: „Каза Трентини“ (Casa Trentini - Temporary Art Apartments) е база за истражување на Тренто, со поглед на градот и планините, препорачана од „Букинг“. Имотот има пространи апартмани со една спална соба, каде што гостите можат да се повлечат по напорниот ден истражувајќи ги одличните знаменитости и саеми, како и задолжителните атракции во близината: Пјаца Дуомо (Piazza Duomo), замокот Буонконсиљо (Buonconsiglio) и камбанаријата Торе Чивика (Torre Civica).

Вилнус, Литванија

Booking.com

Долго скриената скапоценост на овој дел од светот, главниот град на Литванија е познат по многубројните божиќни панаѓури, кои нудат традиционална храна, ракотворби и забавни искуства. На саемите ќе најдете многу рачно изработени подароци. Посетителите може да уживаат и во прекрасните светла и приказите во „Стаклената област“, која вклучува раскошни инсталации и многу светла, додека божиќниот воз се движи по маршрута од катедралата на плоштадот до градското собрание. Исто така, во знаменитостите може да уживате и со велосипедска тура, која нуди комбинација од задолжителни знаменитости, заедно со обиколка на моментално најпопуларните места.

Booking.com

Препорака за сместување од „Букинг“: Луксузниот панорамски апартман во Вилнус (Luxury Panoramic Vilnius Apartment). Овој стан е модерно уреден и е блиску до популарните точки на интерес, вклучувајќи ги Музејот на окупацијата и борбата за слобода, Музејот на еврејска историја, црквата „Св. Михаела и Константин“ и, секако, популарните градски божиќни панаѓури.

Сингапур

Booking.com

Најдобрата забава во Сингапур во овој период од годината е истражувањето на Божиќната земја на чудата во паркот „Градини покрај заливот“ (Gardens by the Bay). Секако дека има и други различни забави што вклучуваат инсталации, атракции и активности за кои надалеку се зборува. Има многу нешта да посетите, да направите и да јадете на вашиот пат од панаѓурот „Мислтој“ (Mistletoe Alley) до „Џинџербред грув“ (Gingerbread Grove), благодарение на фантастичната низа на божиќни светлосни тезги. Може да уживате и во други одлични знаменитости и атракции, како што се панорамското тркало со прекрасен поглед на градот и зоолошката градина, каде што локацијата „Форест лоџ“ (Forest Lodge) служи божиќно мени за време на празниците. Во комплексот „Марина беј сендс“ (Marina Bay Sands) ќе најдете необични подароци во многубројните продавници.

Booking.com

Препорака за сместување од „Букинг“: Хотелот „Парк ројал колекшн“ (Park Royal Collection Marina Bay) е одличен за одмор и релаксација и е суперизбор за тие што сакаат да уживаат во зимското сонце по пешачење и разгледување на околината. Овој хотел има сė: елегантни соби со прекрасен поглед на градот, широк избор на гастрономски задоволства, од шведска маса со свежа морска храна до меѓународни деликатеси што се служат во ресторанот „Пеперминт“ (Peppermint) и луксузен базен со минерална вода.

Солванг, Калифорнија

Booking.com

Солванг е центар на данската култура во Америка, неочекувана комбинација во Калифорнија, но сепак си најде место на оваа листа. Во Солванг цел месец се одржува „Џулфест“ (Julefest), празнична прослава што започнува со вклучување на светилките на елката, по што следува парада. Кога станува збор за шопинг, можете да најдете уникатни подароци на познатиот „Мејкерс маркет“ (Maker's Market). Препорачливо е да одвоите време за да ја истражите убавината на ова данско парче во Калифорнија, кое изобилува со специфична архитектура претставена со познатите дрвени мелници и автентични локални пекарници што ги нудат познатите дански колачи. За тие што сакаат нешто различно, ловот на богатство под називот „Солванг шоудаун“ (Solvang Showdown) е интерактивна авантура каде што патниците можат преку алтернативна реалност да откријат интересни локации препорачани од локалното население што се надвор од вообичаената траекторија на движење.

Препорака за сместување од „Букинг“: Калифорнискиот хотел „Лендсби“ (The Landsby hotel) се наоѓа во срцето на Солванг, па можете пеш да стигнете до продавниците и рестораните во градот. Објектот има соби уредени во скандинавски стил со рачно изработен мебел, а за дополнително чувство на топлина и удобност може да се одморите покрај каминот. По кратко возење од хотелот ќе стигнете до голем број лозја и винарници во популарниот вински регион Санта Барбара.

Куско, Перу

Booking.com

На југоистокот од Перу се наоѓа Куско, главниот историски центар со катедрали и тесни улички со калдрма. Шармот на градот е дополнително зајакнат за Божиќ, бидејќи, меѓу другото, главниот плоштад се полни со локалното население привлечено од шарениот панаѓур „Сантурантикуj“ (Santurantikuy), каде што можете да најдете сè, од прекрасни фигурини до традиционални деликатеси, како што се понче, топол рум-пунч и зимската комбинација на панетоне и топло чоколадо.

„Плаза де Армас“ (Plaza de Armas), централниот плоштад во стариот град, сè уште има врежани дрвени балкони и остатоци од ѕидовите на Инките, додека барокниот манастир „Санто Доминго“, изграден над Храмот на Сонцето, исто така содржи остатоци од камена конструкција од периодот на Инките. „Букинг“ особено ја издвојува еднодневната авантуристичка тура на шарената планина. Патниците можат да ги забележат посебните и ретки линии од минерали што го создаваат името на планината Виножито, сместени меѓу снежните врвови и драматичните перуански пејзажи.

Booking.com

Препорака за сместување од „Букинг“: „Антигва Казона Сан Блас“ (Antigua Casona San Blas) е семеен бутик-хотел. Овој објект, како што наведува „Букинг“, нуди прекрасни соби со природна постелнина со пердуви, приватен спа центар, како и ресторан и бар. Објектот е на само неколку чекори од главниот плоштад во Куско, така што гостите можат лесно да ги откријат сите знаменитости и атракции на градот.

Во моментов нема коментари за веста. Биди прв да коментира...

Остави коментар