„Т-Мобајл“ (T-Mobile US) соработува со „Спејсекс“ (SpaceX) на Илон Маск за да понуди безжична телефонска услуга во оддалечените делови на САД каде покриеноста е слаба.
Маск и извршниот директор на T-Mobile, Мајк Сиверт, го објавија партнерството на настан во четвртокот вечерта во Starbase на SpaceX во Бока Чика, Тексас. Услугата ќе стартува следната година и ќе работи бесплатно на телефоните на корисниците, пуштајќи се во фази, рече Сиверт. Клиентите со евтини пакети ќе треба да платат дополнителен надомест.
Маск рече дека услугата, која ги користи сателитите Starlink на SpaceX, треба да може да оперира со пораки, слики и евентуално мали видео датотеки, но предупреди дека преносите може да потраат и до половина час во раните фази на развој. Гласовните можности ќе дојдат подоцна.
Прочитај повеќе
'Тесла' драстично ја поскапува опцијата за самоуправување
Цената на возилата од „Тесла“ со опција за целосна автономност во управувањето ќе се зголеми за 15.000 долари во Северна Америка.
22.08.2022
Како успева Илон Маск да постигне сè во 24 часа?
Приказните за деноноќната работна етика на милијардерот долго време ја поттикнуваа неговата репутација на ајронмен.
02.08.2022
SpaceX дизајнира специјални антени кои ќе бидат прикачени на втората генерација на интернет сателити на компанијата за да им овозможат на корисниците на T-Mobile да се поврзат, објасни тој. Сателитите V2 треба да бидат лансирани со ракетата Starship на SpaceX, која сè уште е во развој.
Маск истакна дека услугата базирана на сателити ќе работи дури и за време на урагани и природни катастрофи кои ги нарушуваат традиционалните кули за мобилна мрежа. Тој смета дека ова ќе придонесе да се спасуваат човечки животи односно луѓе повредени или заглавени во оддалечените делови на светот.
Милијардерот додаде дека SpaceX нуди „отворена покана“ за други компании да соработуваат со Starlink. Услугата на крајот би можела да работи и во вселената.
„Би сакале да имаме T-Mobile на Марс“, рече тој.
Маск подоцна твитна дека услугата ќе биде додадена на возилата од „Тесла“ (Tesla) за да им овозможи на возачите да упатуваат итни повици и пораки.
Почетниот бизнис модел за одделот Starlink на SpaceX беше да обезбеди широкопојасен интернет, особено во руралните области каде нема услуги од фиксните провајдери. Компанијата има флота од околу 2.800 сателити во ниската орбита на Земјата што ги лансираше во изминатите неколку години.
T-Mobile гради една од најголемите 5G мрежи во земјата за да обезбеди побрзи интернет конекции со телефоните и домаќинствата.
Нивниот план е одговор на потегот на „Амазон“ (Amazon) на Џеф Безос, односно неговата сателитска подружница „Кујпер Системс“ (Kuiper Systems), која најави сличен договор со Verizon Communications минатата година. Проектот Kuiper на Amazon склопи еден од најголемите договори за лансирање во април за да испрати повеќе од 3.000 сателити во вселената.
.webp){kind=icon}
