Rumble изби на врвот на листата апликации за споделување видео материјали без цензура и ограничувања, оставјќи ги зад себе Instagram, YouTube, Snapchat и останатите платформи за споделување видео материјали.
Токму слободата на изразување што ја нуди Rumble, без при тоа да се применуваат никакви цензури, оставајќи им простор на креаторите да го промовираат својот видео материјал и да заработуваат од истиот, е главната причина што оваа апликација ја презеде лидерската позиција. Многумина од корисниците и креатори на содржини буквално направија егзодус префрлувајќи се од мејнстрим платформите до полибералните алтернативи, како што е Rumble.
Bloomberg Mercury
Но, малкумина знаат дека Rumble е основана и ја води Македонецот Крис Павловски, технолошки претприемач од Канада. Онлајн видео платформата Павловски ја лансирал во октомври 2013 година. Популарноста на оваа платформа драстично се зголемува во последните три години, па од 1,6 милиони просечен број на корисници на месечно ниво во 2020 година, сега Rumble месечно ја користат околу 44 милиони луѓе.
"Она за што се залагаме во Rumble е да им се дозволи на луѓето да кажат што сакаат, без разлика дали се согласуваме или не се согласуваме со тоа што го зборуваат. Мислам дека тоа е основно право што мора да им го обезбедиме на сите", изјави Павловски, споделувајќи ја веста за успехот на неговата апликација, коментирајќи дека „ова е многу значаен и голем момент во технолошкиот свет".
Rumble стана акционерско друштво на крајот од минатата година, кога склучи договор за преземање со компанијата Cantor Fitzgerald’s CF Acquisition Corp. VI (Nasdaq: CFVI) и оттогаш акциите на оваа компанија се тргуваат на берза во склоп на индексот Nasdaq. Почетната вредност на акциите на Ruble била 9,77 делари. Вредноста на акциите оттогаш пораснала за 35,95 отсто и сега се тргуваат по цена од 13,35 долари.
На почетокот од август партнерството на Rumble со Cantor Fitzgerald’s CF Acquisition Corp. VI го доби очекуваното одобрение од страна на надлежните регулатори за берзанското тргување, со што наскоро акциите на Rumble ќе добијат свој сопствен код и ќе се тргуваат на Nasdaq под кодот RUM и RUMBW.
Според тоа, Rumble сега се вреднува на 2,1 милијарда американски долари, а основачот и генерален извршен директор Крис Павловски ја задржува контролата на гласовите за да ја спроведе неутралната мисија на Rumble во име на сите акционери.
Инаку, Павловски е присутен во Македонија преку својата компанија Cosmic Development, со седиште во Скопје, а е дел и од организацијата „Македонија 2025“.
.webp){kind=icon}
Во моментов нема коментари за веста. Биди прв да коментира...