Извршниот директор на „Гунвор груп“ (Gunvor Group), Торбјорн Торнквист, изјави дека договорот за преземање на меѓународното портфолио на рускиот производител на нафта „Лукоил“ претставува „целосно одвојување“.
„Лукоил“ минатиот четврток соопшти дека се согласил да ги продаде своите меѓународни средства – вклучувајќи производство, рафинерии, бензински станици и трговски активности – на „Гунвор“, без да ги открие условите. Трговската компанија, која има долготрајни врски со руската енергетска индустрија, веќе започна разговори со регулаторите за потенцијалната аквизиција.
Торнквист изјави дека верува оти сите грижи кои властите би можеле да ги имаат за продолжено руско влијание врз портфолиото ќе бидат надминати, и исклучи можност средствата повторно да бидат продадени назад доколку санкциите кон руската компанија бидат укинати.
Прочитај повеќе
По санкциите за „Лукоил“, Бугарија го ограничи извозот на нафтени деривати
Парламентот на Бугарија денеска го усвои предлогот со кој привремено се ограничува извозот на нафтени деривати (дизел и авионско гориво) во други земји-членки на ЕУ, со цел да гарантира енергетска безбедност на земјата, по американските санкции за руските компании.
01.11.2025
Рускиот „Лукоил“ се согласи да го продаде меѓународниот бизнис на „Гунвор“
„Лукоил“ претходно објави планови за продажба на своите меѓународни операции откако беше погоден од санкциите на САД минатата недела.
30.10.2025
САД воведуваат санкции за „Роснефт“ и „Лукоил“, расте цената на нафтата
Министерството за финансии ги стави на црната листа државните нафтени гиганти „Роснефт“ и „Лукоил“ поради „недостатокот на сериозна посветеност на Русија кон мировниот процес за ставање крај на војната во Украина“, се вели во соопштението од средата.
23.10.2025
„Ги уверуваме дека тоа не е случај,“ рече тој во интервју за ТВ Блумберг во вторникот. „И тоа е целосно одвојување– штом договорот се реализира, тоа е тоа.“
„Уверени сме дека овој договор ги исполнува сите критични услови,“ рече Торнквист за разговорите со регулаторите и властите.
САД минатиот месец ги ставија на црната листа „Лукоил“ и „Ростнефт“ како дел од новиот обид да се стави крај на војната во Украина преку намалување на приходите на Москва. Договорот на „Гунвор“ е предмет на одобрување од Канцеларијата за контрола на странски средства при Министерството за финансии на САД, меѓу другите институции.
Торнквист рече дека средствата ќе ѝ помогнат на неговата компанија во услови на се поголема конкуренција на пазарот на нафта, но посочи дека некои од нив можеби ќе бидат пренесени на други страни.
„Има средства за кои сметаме дека можеби би биле подобро зачувани во други раце,“ рече тој, без дополнителни детали.
.webp){kind=icon}
