text size
Саудиската компанија „Арамко“ (Aramco) објави изненадувачки раст на добивката во третиот квартал, откако зголеменото производство помогна да се ублажи влијанието од пониските цени на суровата нафта и да се прекине повеќегодишниот пад на заработката.
Приспособената нето-добивка за периодот порасна за околу 1 отсто – на 104,9 милијарди ријали (28 милијарди долари) во споредба со истиот период лани, надминувајќи ги процените на аналитичарите од „Блумберг“. Слободниот паричен тек за првпат по речиси две години ја надмина исплатата на дивиденди, а нето-долгот се намали во однос на претходниот квартал.
Најновите резултати доаѓаат по низа квартали со пониска добивка, а следуваат по одлуката на компанијата да го зголеми производството во согласност со политиката на ОПЕК+ (OPEC+), што ѝ помогна да го ублажи ефектот од послабите цени на нафтата. Како најголем извозник на нафта во светот, „Арамко“ е клучен столб на саудиската економија – приходите од нафтата и високите дивиденди ја поддржуваат економската трансформација на кралството вредна билиони долари.
Прочитај повеќе
Саудиска Арабија на големо се вклучува во трката за развој на вештачката интелигенција
Инвестицискиот фонд на саудиската „Арамко“ одвои 100 милиони долари за инвестирање во стартапи со вештачка интелигенција.
27.10.2024
ОПЕК+: Стагнација на производството на нафта во 2026 година
ОПЕК + се согласи да направи уште едно мало зголемување на производството во декември, но ќе паузира со понатамошни зголемувања во наредните три месеци.
02.11.2025
САД воведуваат санкции за „Роснефт“ и „Лукоил“, расте цената на нафтата
Министерството за финансии ги стави на црната листа државните нафтени гиганти „Роснефт“ и „Лукоил“ поради „недостатокот на сериозна посветеност на Русија кон мировниот процес за ставање крај на војната во Украина“, се вели во соопштението од средата.
23.10.2025
Нафтата расте по веста дека САД и Индија се пред договор за намалување на руските текови
Брент порасна за 1,9 проценти и се тргуваше над 62 долари за барел, додека ВТИ се искачи над 58 долари.
22.10.2025
Нето-долгот на „Арамко“ се намали првпат по неколку последователни квартали
Bloomberg
Цените на нафтата во Лондон годинава паднаа за 13 отсто, на околу 65 долари за барел – далеку под повеќе од 90 долари колку што, според Меѓународниот монетарен фонд (ММФ), ѝ се потребни на Саудиска Арабија за да го избалансира буџетот. Тоа доведе до повлекување или одложување на некои големи инфраструктурни и туристички проекти во кралството, додека „Арамко“ го забави темпото на дел од домашните рафинериски и хемиски програми, насочувајќи се кон развој на голем проект за природен гас.
„Арамко“ ја продавала нафтата по просечна цена од околу 70 долари за барел во третиот квартал, во споредба со речиси 79 долари лани. Производството на течни горива пораснало за 3,8 отсто – на 10,8 милиони барели дневно, додека производството на природен гас е зголемено за 5 отсто.
„Нашата способност брзо да го зголемиме производството и да ја искористиме растечката побарувачка беше клучот за силните резултати во третиот квартал“, изјави финансискиот директор Зијад ал-Муршед.
Слободниот паричен тек на компанијата – средствата што остануваат по покривање на инвестициите и трошоците – се зголемил на 23,6 милијарди долари во кварталот, што било доволно да ја покрие целата исплата на дивиденди од 21,4 милијарди долари. Финансискиот долг на компанијата се намалил на 6,3 отсто заклучно со 30 септември, од 6,5 отсто во претходните три месеци.
.webp){kind=icon}
