Главниот извршен директор на „Хајнекен“ (Heineken NV), Долф ван ден Бринк, се повлекува неколку месеци откако пиварницата предупреди за профитот поради падот на продажбата на пиво.
Ван ден Бринк (52) ќе се повлече на 31 мај, по шест години на чело на „Хајнекен“, а повеќе од 28 години вкупно во холандската компанија, пишува во денешното соопштение. Пиварницата веднаш ќе почне да бара наследник на челната позиција, а Ван ден Бринк ќе остане да го советува „Хајнекен“ до следната година, се наведува во соопштението.
Акциите на „Хајнекен“ паднаа дури за 3,2 проценти во раното тргување во Амстердам, најмногу од јули.
Прочитај повеќе
Намалени прогнозите за профитот на „Хајнекен“ поради падот на продажбата на пиво
Макроекономските притисоци како инфлацијата ја нарушија побарувачката на потрошувачите.
22.10.2025
Зошто „Прилепска пиварница“ е скриен дијамант на Македонската берза?
„Прилепска пиварница“ е меѓу водечките производители во Северна Македонија со долга традиција и е позната по брендови како „Златен Даб“ и „Крале Марко“.
25.09.2025
„Хајнекен“ во октомври предупреди дека годишната добивка ќе биде помала од очекуваното поради послабиот раст во Европа и во Америка, проблем што веќе некое време влијае на глобалната пиварска индустрија бидејќи трендовите на потрошувачката на пиво се менуваат.
Bloomberg
Пиварницата изјави дека очекува приспособениот раст на оперативната добивка оваа фискална година да биде на долниот крај од претходно прогнозираниот опсег од четири до осум отсто. Од „Хајнекен“ исто така изјавија дека очекуваат умерено да падне и обемот, и покрај тоа што претходно велеа дека ќе остане стабилен.
Што велат економистите на „Блумберг“?
„Потрагата на ‘Хајнекен’ по нов извршен директор ќе треба да се насочи кон некој што може да ги искористи променливите навики за пиење додека продажбата на пиво опаѓа, за да ги привлече помладите потрошувачи назад во локалите и да ги оживее алкохолните понуди на компанијата, но и безалкохолните алтернативи“, вели Данкан Фокс од „Блумберг интелиџенс“, аналитичар за производи за широка потрошувачка.
„Хајнекен“, кој покрај истоимениот бренд произведува и други пива, меѓу кои и „амстел“, во октомври информира дека компанијата планира да ги фокусира своите напори за раст на 17 клучни пазари и да ги намали инвестициите во некои од своите брендови.
„Не очекуваме голема промена во стратегијата“, изјавија аналитичарите на „Џефрис“ (Jefferies), вклучувајќи го Ед Манди. „Тешките делови од стратешката задача се завршени, сега е вистинско време за транзиција на лидерството за понатамошно спроведување на стратегијата.“
- Текстот е напишан со помош од Шарлот Хјуз-Морган
.webp){kind=icon}
