Автомобилските производители од Детроит во петок навечер дознаа дека ќе бидат поштедени од царините што претседателот Доналд Трамп ги воведе откако Врховниот суд на САД ги поништи повеќето од неговите глобални давачки.
Трамп во петок навечер воведе рамна давачка од 10 отсто на странски стоки, која треба да стапи во сила во вторник. Но, во информативен документ, Белата куќа потврди дека патничките возила и одредени камиони и автомобилски делови нема да бидат предмет на таа давачка.
Американскиот совет за автомобилска политика, кој ги претставува „Џенерал моторс“, „Форд Мотор“ и „Стелантис“ испратил писмо до трговскиот тим на Трамп порано во петокот, барајќи да се зачува рамката што ги штити од плаќање повеќекратни увозни даноци на возила и делови, според лице запознаено со комуникацијата, кое побарало да остане анонимно.
Прочитај повеќе
Врховниот суд на САД ги поништи глобалните тарифи на Трамп
Судот му го нанесе најголемиот правен пораз на Трамп откако се врати во Белата куќа.
20.02.2026
Кои се опциите на Трамп откако Врховниот суд пресуди дека неговите царини се нелегални?
Тој има најмалку пет резервни опции за наметнување тарифи на различни начини.
20.02.2026
Трамп ќе воведе глобална царина од 10 проценти по одлуката на Врховниот суд
Претседателот изгледаше видливо фрустриран додека зборуваше за ограничувањата на неговата моќ, со оглед на пресудата.
20.02.2026
Увозот на пристаништето во Лос Анџелес паѓа поради царините на Трамп
По рекордниот јануари лани, трговијата преку пристаништето Лос Анџелес годинава забави, со пад од 12 отсто, додека ефектите од царините и натаму се чувствуваат.
17.02.2026
Бунт против Трамп поради царините за Канада
Царинската политика на Доналд Трамп се соочува со најсилен политички притисок досега, откако републиканци му се спротивставија во Конгресот, а расте и незадоволството кај гласачите.
12.02.2026
Автомобилските компании се соочуваат со милијарди долари дополнителни трошоци од царините на Трамп, особено оние наметнати на увезени автомобили и делови.
Тие царини, како и давачките за челик и алуминиум, беа воведени според закон кој му дава на претседателот овластување да наметнува увозни даноци врз основа на национална безбедност. Давачките не беа засегнати од одлуката на Врховниот суд, кој ги поништи пошироките увозни даноци наметнати на многу земји.
Претседателот минатиот април потпиша пар директиви со кои се ублажи влијанието на неговите царини врз автомобилската индустрија, делумно со спречување повеќекратни давачки да се натрупуваат една врз друга.
.webp){kind=icon}
