Стотици работници од складот на Амазон (Amazon.com Inc.) во англискиот град Ковентри почнаа со собирање потписи за штрајк.
Гласањето за штрајк ќе трае до 19 октомври, се наведува во соопштението од синдикатот, од каде потенцираат дека евентуален штрајк за поголеми плати би се одржал во ноември, а тој период е одбран токму за штрајкот да има поголем ефект бидејќи ќе предизвика застој во дистрибуцијата на пратките за распродажбите од „црн петок“ и за Божиќ.
Работниците се закануваат со штрајкови во цела Велика Британија, а причина се зголемените трошоци за живот, поради што бараат поголеми плати. Стотици работници веќе ги намалија работните активности во складовите низ Велика Британија во август. Персоналот преку социјалните мрежи повикува на натамошни акции и прекин на работата на повеќе локации, со барање саатницата да се зголеми на 15 фунти (17,28 долари).
Прочитај повеќе
Трговците од Амазон предвидуваат „тмурна“ празнична шопинг сезона
Потрошувачите го стегаат паричникот поради непредвидливиот раст на инфлацијата
10.09.2022
Протести против високите цени на енергијата во Велика Британија
Британците излегуваат на протести против растечките трошоци и високите сметки за енергија
16.08.2022
„Почетната плата за вработените во Амазон е зголемена и сега изнесува меѓу 10,50 и 11,45 фунти за работен час, зависно од локацијата“, соопшти портпаролот на Амазон преку електронска пошта. „Тоа претставува зголемување на минималната саатница за 29 проценти од 2018 година“, пишува во соопштението од службата за односи со јавност, а пренесува Блумберг.
Од Амазон велат дека бенефициите за вработените вклучуваат и осигурување, оброци и попусти „кои заедно вредат илјадници фунти годишно“.
.webp){kind=icon}
Во моментов нема коментари за веста. Биди прв да коментира...