Повеќе од 3,3 милиони ноќевања во туристичките дестинации и над половина милијарда евра од туристички промет во македонската економија за годинава, но и за следната, се процените на Љупчо Јаневски, директор на Агенцијата за промоција и поддршка на туризмот, кој гостуваше на ТВ „Блумберг Адрија“.
„Туризмот влијае на повеќе од 20 економски гранки, а тие пак влијаат на неговиот развој, тоа е двонасочна улица“, вели Јаневски. Тој додава дека состојбите во туризмот секако зависат најмногу од инфраструктурата, валоризацијата на дестинацијата и промовирањето нови туристички содржини.
Bloomberg Adria
Во првите шест месеци во Македонија имало зголемување на бројот на туристи, особено на странски туристи. Бројката надмина 413 илјади, што е за 30 отсто повеќе од минатата година.
„Не може да се каже дека туризмот закрепнал, и тоа во многу елементи, но ако се спореди 2023 година со 2019 година, која е најдобра, сепак имаме позитивни резултати“, вели Јаневски. Оваа година ќе покаже дека домашните туристи биле нешто повеќе од три дена во дестинацијата што ја одбрале.
Bloomberg Adria
„Ако ги погледнеме резултатите, ќе видиме дека сме успеале да ги задржиме овде барем толку денови колку што е просечниот престој, но странските туристи сè повеќе треба да ги мотивираме да останат подолго во туристичката дестинација“, вели Јаневски.
Тој смета дека тоа може да се направи со пакет аранжмани од три, пет и седум дена, односно со поголем број чартери во текот на сезоната, особено во нашиот прв туристички центар Охрид. Туристичката сезона во Охрид започнува некаде од мај, но се прават обиди во 2024 и 2025 година да се продолжи сезоната, односно да започне некаде кон крајот на април и да заврши во октомври.
„На тој начин ќе имаме поголем број ноќевања односно аранжмани од пет и седум дена“, вели Јаневски.
Ако ги погледнеме резултатите од првите шест месеци за структурата на туристите, но и посетеноста на одредени дестинации, ќе видиме дека во градот Скопје и Скопскиот Регион се 50 отсто од вкупниот број на странски туристи.
Bloomberg Adria
„Тоа ја покажува силината на Скопје како бизнис-центар, а веќе во јуни, јули, август и септември странските туристи се повеќе сконцентрирани во Југозападниот Регион, каде што се Струга и Охрид“.
Според него, потребни се вклучувања во поголем број кружни патувања.
„Веќе во 2024 година очекувам просечниот престој на странските туристи во некоја наша дестинација да се стабилизира на 2,5 до 2,7 дена“, вели Јаневски.
.webp){kind=icon}
