text size
Како што нема раст на бизнисите без е-трговија, така нема раст на е-трговијата без вештачка интелигенција, вели во интервју за „Блумберг Адрија“ Нина Ангеловска, претседателка на Асоцијацијата за е-трговија во Македонија.
„Вештачката интелигенција отвора нови хоризонти за е-трговијата. Вештачката интелегенција е тука и ќе остане и целосно ја редефинира е-трговијата. Ако правилно ја користиме, може да ја направи поефикасна и попродуктивна работата“, додава Ангеловска.
Според неа, работните места не се загрозени од вештачка интелигенција. „Вештачката интелигенција нема да го замени вработениот, туку вработениот што користи вештачка интелигенција ќе го замени оној што не користи“, вели Ангеловска.
Bloomberg Adria
Пречки за развој на прекугранична е-трговија
Прекуграничната е -трговија е можност за раст на бизнисите, секако тука има и предизвици.
„Ако се гледаат пазарите од Западен Балкан, тоа се мали пазари, но ако се гледа како еден пазар, тогаш потенцијалот е 16 милиони жители или една милијарда евра“, вели Ангеловска.
Најголеми бариери за прекуграничната е-трговија се комплексните царински процедури, високите давачки и неунифицираните правила и регулативи што го отежнуваат купувањето преку граница, а се сочуваат и со двојно оданочување.
Според последните податоци на „Евростат“ за 2022 година, според бројот на употреба на интернет, Македонците со 88 отсто, заедно со Црногорците, се најдобри споредено со земјите од Западен Балкан. Но кога станува збор за онлајн купување, најдобра е Србија со 63 отсто онлајн купувачи од интернет-корисниците, Македонците инаку имаат 50 отсто, а иако имаат одреден прогрес, и натаму последни во Европа се Албанците, со само 16 отсто.
Што се однесува на тоа за што го користат интернетот, Балканците, како и секоја година, најмногу го користат за телефонирање и видеоповици, за социјални медиуми, а најмалку или значајно под европскиот просек за праќање и примање електронска пошта, за е-банкарство или за продавање производи и услуги онлајн.
.webp){kind=icon}
