text size
Се издига свеста за потребата од родова еднаквост во бизнисот, вели Иван Штериев, главен извршен директор на Македонската берза, во интервју за „Блумберг Адрија“. Тој додава дека прашањето за родова еднаквост во управувањето, надзорот и раководењето на компаниите во глобални рамки станува сè поактуелно и позначајно.
„Од сите активности на Македонската берза секако дека има ефекти. Самата дискусија на оваа тема е доказ за тоа. Македонската берза донесе кодекс за корпоративно управување и има препорака сите котирани компании до крајот на 2025 година да имаат до 30 отсто жени од вкупниот број на директори во одборите“, вели Штериев.
Блумберг Адрија ТВ
Ако ги споредиме нашата сегашна состојба и идниот стремеж со ЕУ-податоците, може да се заклучи дека македонскиот просек не е толку лош, но дека има простор за напредок.
„Во ЕУ во просек во големите котирани компании во ЕУ-процентот на учество на жени во органите на управување е 30 отсто, но постојат големи национални разлики“, вели Штериев.
Простор за напредок секако дека постои, особено во делот на регулативата.
Блумберг Адрија ТВ
„Практиката во земјите од ЕУ е дека меката регулатива не помага толку добро. Додека, пак, во Велика Британија со мека регулатива, односно без санкции, тој процент на учество на жени е видливо зголемен и сега изнесува околу 40 отсто, а во 2011 бил 9,5 отсто. Зборуваме за Велика Британија, каде што на берзата до 1973 година било забрането жените да бидат членови“, вели Штериев.
Блумберг Адрија ТВ
Тој додава дека во ЕУ е донесена нова регулатива, која треба да биде применета до јуни 2026 година.
„Таму целта е 40 отсто од неизвршените директори да бидат жени или комбинирано 33 отсто од извршните и неизвршените. Регулативата доста тешко се донесе и таму, но сега е во сила. Со оглед дека Македонија се стреми кон ЕУ, веројатно треба да го следи овој процес“, вели Штериев.
Блумберг Адрија ТВ
Штериев додава дека за непочитување на регулативата има и санкции, вклучувајќи и ништовност на именување, а се оди дотаму дури и компаниите да не може да добијат државни тендери и концесии.
Постојат доста статистички податоци што покажуваат дека компаниите управувани од жени во просек се поуспешни и попрофитабилни.
„Нема цврсти докази и статистички докажани корелации зошто е тоа така. Веројатно во еден дел има врска со истражувањата што покажуваат кои се поспецифичните и позитивни карактеристики на жените како менаџери, а тоа се помала склоност за прифаќање преголеми ризици, преференции за раст преку вложување во истражување и развој, поголема склоност и ефикасност кон тимска работа“, вели Штериев.
Блумберг Адрија ТВ
Тој додава дека оваа состојба веројатно има врска и со тоа што има помалку жени менаџери и природната селекција таму е понагласена.
.webp){kind=icon}
