.webp){kind=icon}
Климатските промени ги насочуваат патниците на некои изненадувачки места, додека жедта за бавно патување повторно измислува други.
Белфаст
Главниот град на Северна Ирска доживува креативно будење што раздвижува сè - рестораните, дестилериите и веќе динамичната уметничка сцена. Во 2024 година Белфаст ќе започне програма за културни настани во вредност од девет милиони фунти (11,4 милиони долари) низ целиот град, од градските улици до реките. Меѓу најинтересните настани ќе биде „Вотерворкс“, каде што луѓето ќе бидат поканети да изградат 10.000 брода во различни форми и големини, користејќи рециклирани материјали за подобро поврзување со реката Лаган, на која е изграден градот. Друг значаен проект се Герилските ѕидови, изградба на друштвена градина по должината на делови од Ѕидовите на мирот, кои се изградени за да ги смират граѓанските немири во 1960-тите и 1970-тите и сега служат како јавни уметнички простори.
Сето ова му прилега на угледот на Белфаст како културен центар. Успехот на музејот „Титаник“ во Белфаст, кој беше отворен пред десет години, сега инспирира проекти за зачувување во својата околина. Меѓу нив е и првата градска дестилерија во последните 90 години, „Титаник дистилерс“, изградена во внатрешноста на историската пумпна станица. Се очекува дестилеријата „Белфаст“ наскоро да го следи овој пример со објект од 22 милиона фунти во стариот затвор „Крамлин Роуд“, до кој посетителите лесно можат да стигнат.
На гастрономската сцена се истакнуваат младите готвачи. Во клубот „Мадлерс“, со ѕвезда на „Мишелин“, Герет Мекохи служи менија за дегустација на ирски специјалитети, како што се говедско месо со див лук и аспарагус или бакалар со ракчиња и бистра супа од домати, сето тоа со рокенрол-музика. Самоукиот готвач Рајан Џенкинс нуди слична креативна, но непретенциозна храна во ресторанот „Роам“ во центарот на градот.
Хотелот „Харисон Чемберс оф дестинејшн“ е одлично место за боемските патници; неговите соби во викторијански стил се тематизирани по познати локални личности, како што се авторот на „Хрониките на Нарнија“, К.С. Луис, и поетот Џон Хјуит.
Берген, Норвешка
Во 2023 година Норвешка стана омилена летна дестинација за европските туристи што бараат одмор од топлотните бранови во Италија и во Грција. Поради тоа Берген, шармантното рибарско село помеѓу фјордовите и планините на западниот брег, станува сè попопуларно.
Но би било погрешно да се ограничите на најжешката сезона. Овој февруари норвешката компанија за крстосување „Хавила војажес“ за првпат ги носи своите енергетски ефикасни експедициски бродови во Киркенес на маршрутите за набљудување на аурора бореалис, кои почнуваат и завршуваат во градот. Шестдневното есенско патување со „Нориент експрес’ (или „Норвешки Ориент експрес“) од Берген до Осло следи една од најубавите маршрути во Европа. Без оглед која авантура ќе ја изберете, сместете се во новиот атрактивен хотел „Шармант“, кој е уреден да го долови Париз од почетокот на векот. Тука е и „Борс“, убав објект со 127 соби во поранешна берза, чија главна сала неодамна беше преуредена во познат рибји ресторан.
Уште еден нов хотел со одлична гастрономска понуда е малку надвор од градот: „Бекервиц хаус“ нуди примеси на мирен живот покрај морето, а за вечера можете да се упатите во ресторанот „Мирабел бај Орџен Јоханесен“, на истоимениот готвач што ја освои наградата „Бокус д’Ор“ во 2015 година.
Најдобар ресторан во градот е „Лисверкет“ во самиот центар, чие сензационално мени за дегустација нуди морски деликатеси, како мали тартови од рак со кавијар. Ако се возите на најпознатата атракција во Берген, жичницата „Флоибанен“, не пропуштајте оброк во народниот ресторан „Флојен“, кој е стар 98 години, на ридот Флојен, кој по долгото реновирање повторно ги отвора своите врати во април.
Малта
Кога помислувате на Малта, можеби ви текнува на „Гладијатор“, „Игра на тронови“, „Троја“ и други историски спектакли што се снимени таму, но Малта ја признава реалноста и го отвора најважниот европски музеј оваа година. Станува збор за Меѓународниот музеј на современата уметност на Малта, кој се простира на околу 1.500 квадратни метри во тврдина од 17 век, со поглед на драматичното пристаниште Марсамксет во главниот град Валета. Наесен своите музејски галерии ќе им ги посветат на импресивни уметнички инсталации.
Но уметничкиот свет најверојатно ќе дојде на островот порано, уште од март до крајот на мај, кога Малта ќе биде домаќин на своето прво биенале наречено „Маслинарници на белото море“. Тема се воспоставувањето мир и борбата против национализмот на овој далечен југ од Европа. Павилјоните ќе бидат поставени во историски палати и тврдини низ Валета и Гозо. Со новата марина за суперјахти со 250 места, која ќе се отвори наскоро северно од главниот град, сè повеќе љубители на културата ќе пристигнуваат по море на маршрути што ја заобиколуваат популарната (и пренаселена) Сицилија.
Престојот на суво нема да биде помалку луксузен, особено ако сакате да ги истражувате шармантните села надвор од поголемите градови на Малта. На почетокот на 2024 година се отвора „Каза Бонавита“, со 17 соби во барокна вила во живописниот град Атард. Станува збор за страстен проект на сопственикот на луксузната компанија „Руг компан“. Во новиот облакодер, дизајниран од „Заха Хадид архитектс“, во приморското одморалиште Сент Џулијан, хотелот „ME Малта“ го носи познатиот италијански готвач Џино Дакампо, кој ќе ги води своите барови и ресторани. А во утврдениот град Сенглеа, наспроти големото пристаниште на главниот град, на улица со калдрма без автомобили, е највозбудливиот новодојденец од сите: „Сите приве мезон“. Од средината на јануари, гостите можат да уживаат во неговите пет соби исполнети со уметнички дела, со послуга и со приватни базени. Гостите исто така ќе имаат пристап до спа-третмани на отворено и јахта од 16 метри за истражување на блескавиот Медитеран.
Сан Себастијан, Шпанија
Овој приморски град во Шпанија, кој тврди дека има најмногу ресторани со ѕвезди „Мишелин“ по жител во светот, привлекува сѐ повеќе Европејци што сакаат да избегаат од летните горештини.
Годинава се отвора хотелот „Лузе“ со 48 соби во стилот на бел епок и 9.000 квадратни метри божествени градини во пријатна сенка, како и бесконечен базен со поглед на Кантабриско Море и ресторан на готвачот Ињиго Лавада, ученик на познатите Феран Адрија и Ален Дукас. Едно од првите кина во Шпанија, „Паласио де белас артес“, ќе се роди повторно како хотел „Хилтон Курио“ со 84 соби. Новите хотели и хотелот „Нобу“ на плажа ќе ја зголемат понудата на ограниченото луксузно сместување во градот.
Одржливоста стана мантра на Сан Себастијан. Масивното проширување на Баскискиот кулинарски центар во форма на бранови ќе биде отворено во 2024 година, со дизајн на групацијата „Бјарке Ингелс“. Огромниот простор на покривот вклучува плоштад на кој локалното население може да се дружи со готвачите. До него се стигнува по низа скали вградени од надворешната страна на објектот, кои личат на гребен.
Секако, тука има и прекрасни нови ресторани, кои имаат поинаква понуда од традиционалните баскиски специјалитети во Сан Себастијан. Во ресторанот „Артеан Бара Абиерта“ се комбинираат тортилји и баскиски леб тало за да се направат такоси исполнети со ракчиња. „Бантсу II“ има феноменална (и многу трендовска) корејска кујна. Ресторанот „Ибан“, омилен рибји ресторан, се враќа по тригодишното затворање, сега под раководство на прославениот аргентински готвач Пол Еро.
Трансилванија
Трансилванија е повеќе од Дракула. Оваа област на централна Романија, која беше и место на дејството од романот на Брам Стокер, нуди многу повеќе од замоци и фолклор. Најдобар избор во оваа област е хотелот „Матка“, сосема ново рурално прибежиште сместено во сенката на Карпатите. Неговите 26 соби, апартмани и вили се наоѓаат во обновената шума и ливада. Тој нуди разновидни искуства за секого, од авантуристички до духовни: има сафари за пешачење низ шумата на кое можете да набљудувате кафеави мечки, капење во сено, кое го стимулира метаболизмот и ослободува токсини од телото, и молитва со монаси со звуци на воени тапани што предизвикуваат транс.
Замокот Бетлен е прекрасен имот од 13 век на грофот Миклош Бетлен, кој го издигнува нивото на луксуз во Трансилванија. Активностите што се организираат на овој имот ќе ви овозможат да ја истражите природната убавина на Романија: возете е-велосипед, одете на хели-скијање или планинарете по блиските планини и обиколете ги винските патишта во Трансилванија, познати по сортата фетаска регала (зелено грозје слично на совињон бланк). Додека сте во овој регион, задолжително посетете го замокот „Бран“, легендарниот дом на Дракула, како и многуте средновековни цркви. Друг споменик од списокот на светско наследство на УНЕСКО е комплексот на рудникот за злато Роша Монтана од 2 век, кој треба да се посети на еднодневно патување.
Тоскана
Питоми ридови, високи италијански чемпреси, познатото „брунело ди монталчино“ со ноти од смоква: Тоскана зборува сама за себе. Меѓутоа, во 2024 година традиционалниот шарм ќе го се дополни со некои новитети.
На пример, Понте Векио од 14 век, една од најпознатите атракции во Фиренца, подлежи на првата голема реставрација, која ќе биде завршена наесен. Во близината на овој мост има нова атракција: „Станца сегрета“ или тајна соба во базиликата „Сан Лоренцо“. Отворена за јавноста на крајот на 2023 година, тоа е собата во која Микеланџело ја чекал смртната казна за предавство, која на крајот била поништена; обложена е со цртежи што ја откриваат неговата состојба на умот додека бил во затвор.
Во градот летово се отвора и импресивна урбана туристичка населба. До крајот на летото ќе биде отворен хотелот „Колеџо ала кверче“ од синџирот „Оберж“ во група зданија од 16 век под заштита на УНЕСКО, вклучувајќи стара капела, театар и училиште. Има терасести градини, спектакуларен базен и 81 прекрасна соба.
„Кастело ди Казоле“ на „Белмонд“ ги реновира апартманите и отвора две нови приватни вили на раскошен имот од 10 век, опкружен со лозја и маслинови градини. Хотелот нуди кујни на отворено и печки на дрва, така што гостите можат да ангажираат мајстор за пица (или да научат како да направат сами). Кривата кула во Пиза слави 850 години од своето постоење, а во текот на август се планирани соодветни изложби.
Еден од начините да се поврзат сите атракции се новите возови „Ла долче вита“ со 11 вагони од „Ориент експрес“, фантазија на златната доба што е вратена во живот. Изберете еднодневно или дводневно патување од Рим до Монталчино или Сиена и уживајте во менија во кои не се штедат тартуфи, кои се служат во вагон-ресторанот со лакирани ѕидови и кожени седишта.
