Годинава по долго време би можела да биде добра година за гаџетите за потрошувачи. „Епл“ е на пат да започне со најголемото масовно производство на нова категорија производи во последните години, додека стартап основан од поранешни вработени во компанијата продава нов тип уред за носење што има намера да го замени „ајфон“ како главен уред на ерата на вештачка интелигенција. (Двете најави предизвикуваат доста возбуда, но и скептицизам.) Гејмерите веројатно ќе видат нови верзии на повеќе големи конзоли. И американско-кинескиот технолошки натпревар, кој понекогаш лута во апстрактни теми како владините црни листи и дизајнот на полупроводниците, би можел да се фокусира на производство на конкретни гаџети. – Влад Савов
НОВ ГПТ
Во раните денови на „ајфон“ се чинеше дека секое повторување навестува нова ера на технологијата. Така се чувствуваме сега со моделите со вештачка интелигенција што го поддржуваат Чет ГПТ на „Опен еј-ај“. Голема надградба може да дојде од таа компанија годинава, иако сè уште ништо не е официјално.
НОВ „НИНТЕНДО СВИЧ“
Иако „Нинтендо“ не открива ништо за своите планови за новата конзола за игри, сите знаци укажуваат на тоа дека наследникот на „Свич“ ќе се појави на пазарот токму навреме за сезоната на продажби на празници. Има две главни неодговорени прашања за следната верзија: дали ќе го задржи препознатливиот дизајн на оригиналот и дали ќе биде компатибилен со постојните игри.
„ЕПЛ ВИЖН ПРО “
Пропаднаа сите досегашни очила за измешана реалност, кои, според најавите, требаше да го променат светот. Сепак, големи се очекувањата за новиот производ на „Епл“, кој треба да биде претставен на почетокот на годинава. Цената од 3.500 долари и продажниот план на „Епл“ ќе ја намалат секоја инстантна револуција во светот на слушалките.
„ИКСБОКС“ БЕЗ ДИСК
„Плејстејшн“ на „Сони“ минатата година направи голем чекор кон играчките конзоли базирани на преземање, а „Мајкрософт“ планира да се движи во таа насока, според објавениот стратегиски документ од компанијата. Потенките модели на „Иксбокс“ одговараат на актуелното мото на „Мајкрософт“ - одете каде било, играјте на што било.
„ТЕСЛА САЈБЕРТРАК“
Веќе почнуваат првите испораки. Оваа 2024 година ќе биде клучна за чудно дизајнираниот пикап на „Тесла“ што би можел да одврати некои клиенти и мора да се бори со зголемената конкуренција.
БЕЗЖИЧНО ПОЛНЕЊЕ „Ки2“
Да, некои телефони веќе имаат безжично полнење, но неодамна претставениот стандард „Ки2“ (Qi2- би можел да доведе до голем број уреди што ја интегрираат технологијата. Побрзо и побезбедно, „Ки2“ може да стане универзален стандард и пресвртница во долгогодишната потрага на корисниците конечно да се ослободат од каблите.
ЧОВЕЧКА ВИ ПИН
Со почетна цена од 700 долари, оваа игла за ревер проектира информации на вашата дланка и ги препознава гестовите на рацете и гласовните контроли. Интересот на корисниците, кога испораката ќе започне на почетокот на 2024 година, ќе покаже дали уредите дизајнирани да ги заменат телефоните имаат некакви шанси да доминираат во светот на вештачката интелигенција.
НОВ МОБИЛЕН „ХУАВЕЈ“
„Хуавеј“ ги шокира американските политичари во август 2023 година со својот паметен телефон со сопствен процесор произведен во Кина, нагласувајќи ја издржливоста на индустријата за чипови во земјата. Доколку новите телефони на „Хуавеј“ продолжат да ги достигнуваат американските телефони, тие може да бидат геополитички најрелевантните потрошувачки уреди годинава.
.webp){kind=icon}
