Што се случи со метаверзумот?

„Епл“ (Apple) можеби ќе има проблеми да ги лансира на пазарот своите слушалки, каде што купувачите уште не се убедени во амбициите на Марк Закерберг за виртуелната реалност.

Кога првпат ќе влезете во „Хорајзон ворлдс“ (Horizon Worlds), апликација за виртуелна реалност што ја разви „Мета“ (Meta Platforms), ќе ве дочекаат живописен пејзаж и портали за светови што имаат ознаки како што се „авантура“ и „комедија“. Во неодамнешната посета на „авантуристичкиот“ свет разгледував по еден град од Дивиот Запад, носејќи „каубојски миротворец“ и повремено разменувајќи куршуми со уште три аватари што се бркаа меѓу кафеани и банки. Аватарите носеа очила за сонце и имаа шарена коса, но немаа нозе. Изгледа дека „Мета“ уште не го решила тоа ограничување.

Имаше најмалку десетина такви анимирани трупа што лебдеа по „Соапстоун комеди клаб“ (Soapstone Comedy Club), на чиј знак за добредојде пишуваше дека го создале невработени алкохоличари (unemployed_alcoholic). Оваа зона беше поактивна, аватарите стоеја во групи и разговараа за своите деца или животот во реалниот свет.

Метаверзумот, импресивно 3Д-опкружување во кое луѓето комуницираат преку аватари, изгледа малку попривлечно и поживо од пред една година. Посетителите на „Хорајзон ворлдс“ главно добро се однесуваат, а таквите апликации за многумина дури беа и извор на емоционална поддршка.

Ова исто така изгледа како добро хоби. Малкумина од нив зборуваат за своите искуства со метаверзумот на друштвените мрежи како Твитер (Twitter) и Тикток (TikTok). Само за пример, неколку луѓе што ги купија слушалките „метин куест 2“ (Metine Quest 2), кои се неопходни за пристап до апликацијата на метаверзумот, ми рекоа дека ретко ги користат. На слушалките им е потребно време да се вчитаат и да ве изолираат од другите со кои можеби живеете. Тешкотијата поради движењата исто така им пречи на многумина, вклучувајќи ме и мене.

По големата возбуда минатата година, се чини дека компанијата сега ги намалува инвестициите во метаверзумот. „Волт Дизни“ (Walt Disney) ги прекина своите планови во овој универзум, а „Мајкрософт“ (Microsoft) претходно оваа година ја затвори својата метаверс-апликација за дружење „Алтспејс“ (AltSpaceVR). Избледува и ентузијазмот кај инвеститорите. Финансирањето стартапи што се занимаваат со метаверзумот опадна во текот на минатата година, додека фондовите за ризичен капитал вложуваат пари во компании што се занимаваат со вештачка интелигенција. Просечната продажна цена за виртуелни парцели во Децентраленд падна за 90 отсто, од околу 9.000 долари, колку што изнесуваше во април 2022 година, на 1.240 долари во април оваа година. Тоа го покажуваат податоците на „Вимета“ (WeMeta), аналитички сајт што ја следи продажбата на земјишта во метаверзумот.

Закерберг се брани со типичен пристап, нарекувајќи го метаверзумот „следно поглавје на интернетот“. Со оглед на тоа дека потроши околу 36 милијарди долари на метаверзумот од 2019 година, тоа би можело да биде и последица од ефектите на пропаднато вложување.

Сепак, иако места како „Хорајзон ворлдс“ потсетуваат на раните денови на АОЛ (AOL), собата за чекање, бавниот напредок на метаверзумот го намалува трпението меѓу инвеститорите на „Мета“, а Закерберг не може да одолжува со откупот на акции.

Изгледа дека и извршниот директор е на погрешна трага додека се обидува да им продаде на корпоративните корисници поскапа верзија на слушалки за виртуелни состаноци, „куест про“ (Quest Pro), кои чинат 1.000 долари, наместо да се насочи кон гејмерите, група што е подготвена да ја прифати виртуелната реалност.

„Аксенчр“ (Accenture), британска консултантска компанија, која Фејсбук ја плаќа за да помогне во оттргнувањето токсични содржини, купи 60.000 слушалки „куест“ во 2021 година, но оттаму одбија да одговорат дали докупиле уште слушалки оттогаш. Портпаролката на „Мета“ рече дека компанијата е посветена на верзијата што е замислена за метаверзумот.

„Бевме јасни дека ова е долгорочна инвестиција и дека продолжуваме да го унапредуваме метаверзумот преку различни области, вклучувајќи ги 'куест', мешовитата реалност и следната генерација на социјални искуства“, рече таа.

Иронично, тоа што „Мета“ бавно напредува во метаверзумот може да биде проблем за „Епл“ (Apple), компанијата што во јуни ќе ги лансира своите слушалки за мешана реалност. „Епл“ е позната компанија по зајакнување на нови пазари со подобро дизајнирани производи. Таа влезе во секторот на паметни телефони кога другите телефони со екран чувствителен на допир од компаниите „Нокиа“ (Nokia) и „Сони Ериксон“ (Sony Ericsson) едвај добиваа на сила. Нивните „ерподс“ (AirPods) и „епл воч“ (Apple Watch) ги редефинираа стандардите за тие уреди.

Меѓутоа, моментално не е јасно како и зошто луѓето воопшто треба да го посетуваат метаверзумот. Слушалките и натаму се премногу несмасни и необични за да претставуваат одржлива алтернатива на Зум (Zoom). Дружењето таму, зачудувачки, е искуство што ве изолира, барем засега. Тие проблеми би можеле да се решат во следните две години ако „Мета“ успее да направи полесни слушалки, кои го прават влегувањето во виртуелниот свет побрзо и полесно, на што изгледа дека веќе работат. Истражувањето премногу стратегии дополнително ќе ги забави работите, а инвеститорите во меѓувреме може да го загубат трпението.

 

Текстот го преведе Мирјана Јовеска