.webp){kind=icon}
Македонците биле најмногубројни меѓу странските туристи што минатата година ги посетиле бугарските бањи и спа-центри.
Според податоците на Единствениот туристички информативен систем на Бугарија (ЕСТИ), меѓу 70.000 странски туристи што лани престојувале во бугарските спа и бањски одморалишта, покрај гостите од Македонија, најмногу биле од Израел, Романија, Грција, Велика Британија и Србија.
Сепак, во вкупниот број посетители во бањските туристички центри доминирале домашните гости со 90 проценти.
Интерес за бањски туризам имало од сите возрасни групи. Помладите туристи најчесто го поврзуваат со рекреација и релаксација, а постарите за да си го подобрат здравјето. Според збирните податоци од 15-те општини, најголем процент на туристи биле на возраст меѓу 45 и 59 години.
Бањските гости, според податоците на ЕСТИ, сочинувале 13 проценти од вкупниот број туристи евидентирани лани во Бугарија.
