.webp){kind=icon}
Нови и половни автомобили на големо се увезуваат во земјава. Речиси шест илјади нови и 25 илјади половни автомобили влегле на пазарот во земјава за половина година. Толкав број увезени автомобили не е забележан во последните пет години.
Добро утро, следуваат вестите што ги одвоивме за почеток на денот.
Расте продажбата на возила во земјава, секторот пред нови предизвици
Покрај зголемената продажба на автомобили во земјава, и европскиот пазар заздравува по проблемите што ги имаше автомобилската индустрија од почетокот на пандемијата на ковид-19 и периодот потоа. За првпат биле регистрирани 128.946 возила, што е раст од 19,9 отсто на годишно ниво. Сепак, јапонската компанија за производство на автомобили „Тојота“ стана најголем производител во светот во првата половина од оваа година. Акциите на компанијата на берзата во Токио се зголемија за 2,5 отсто.
Блумберг Адрија
Најважната трговска маршрута на Европа е загрозена од климатските промени
Опаѓа нивото на реката Рајна, низ која поминува европскиот бродски транспорт. Компаниите бараат решение во купување нови бродови што ќе можат да пловат по плитки води, додека државите бараат решение како низ реката да се одвива сигурен транспорт. Германија треба да вложи 180 милиони евра, додека Швајцарија веќе најде решение со ископ на коритото на реката.
Европа ги губи придобивките од рекордното соларно лето
Европската Унија е чекор назад во искористеноста на соларната енергија, организациите повикаа на поголеми инвестиции за искористеноста на сонцето да биде максимална. По историската енергетска криза, плановите на ЕУ се насочени кон обновливите извори на енергија.
Bloomberg Mercury
„Фич“ им ја одзеде највисоката оценка за кредитен рејтинг на САД
Агенцијата за кредитен рејтинг „Фич“ го намали највисокиот кредитен рејтинг на американската влада. Намалувањето на рејтингот на земјата му се припишува на брзорастечкиот должнички товар, кој се предвидува да достигне 118 отсто од бруто-домашниот производ до 2025 година. Од Белата куќа брзо реагираа на намалувањето, нарекувајќи го „произволно“ и „застарено“.
Ќе ги намали ли „Фич“ високите кредитни рејтинзи на другите задолжени земји?
Само уште девет земји од светот остануваат со кредитен рејтинг ААА. По одлуката на „Фич“ за намалување на кредитниот рејтинг на САД, се очекува намалена оценка и за Норвешка и Сингапур. Но, економистите за „Блумберг“ велат дека секоја земја има различна економија и различен начин на трошење, затоа тешко е да се предвиди дали ќе има намалување на кредитните рејтинзи и на другите земји.
