Техеран го прогласи нападот врз Израел за успешен, нема намера за нови операции

Техеран го прогласи синоќешниот напад врз Израел за успешен и покрај тоа што повеќето од 300. лансирани проектили беа соборени од израелските одбранбени сили и од американската војска пред да пристигнат на израелска територија.

„Сметаме дека со оваа операција е постигнат целосен резултат и немаме намера да продолжи операцијата“, изјави денеска началникот на Генералштабот на иранските вооружените сили Мохамад Багери за државната телевизија.

Тој додаде дека Иран ја нападнал воздухопловната база од која полетале израелските авиони за да ја нападнат иранската амбасада во Сирија.

„Ако Израел одговори, нашата следна операција ќе биде многу поголема“, додаде тој.

Инаку, „Аксиос“ цитирајќи висок функционер во Белата куќа објави дека американскиот претседател Џо Бајден во телефонскиот разговор со израелскиот премиер Бенјамин Нетанјаху му рекол дека САД нема да поддржат израелски контранапад против Иран.

Претходно, Иран ги предупреди САД да не се мешаат во конфликтот, а Израел соопшти дека е подготвен да одговори на секоја закана.

Во моментов нема коментари за веста. Биди прв да коментира...

Остави коментар