.webp){kind=icon}
Русија е подготвена да продолжи да испраќа гас во Европа преку гасоводи низ Украина и по 2024 година, изјави претседателот Владимир Путин.
Европа се обиде да се дистанцира од рускиот гас, но некои земји продолжуваат да го добиваат преку тие гасоводи. Сепак, украинскиот претседател Володимир Зеленски изјави дека не сака да го продолжи транзитниот договор со Русија. „Не сакаме да заработуваат овде“, рече тој во јули.
Добро утро, ова се останатите пет вести важн и за почеток на денот
ББА анализа: Три отсто раст на македонската економија догодина
Во регионот Адрија до крајот на оваа и следната година се очекува умерен економски раст кој ќе биде поттикнат од инвестиции во инфраструктурата, закрепнувањето на надворешната побарувачка и стабилната домашна потрошувачка.
Според најновиот квартален извештај аналитичарите на „Блумберг Адрија“, Македонија годинава ќе ја заврши со раст од 2,4 отсто (што е над проекциите на македонските власти за раст од 2,1 отсто). За следната година нашите аналитичари очекуваат забрзување на растот во земјава до 3 отсто.
Македонскиот МБИ10 меѓу топ пет индекси во светот по остварениот раст
Македонскиот берзански индекс (МБИ10) се најде меѓу првите топ пет берзански индекси во светот по остварениот раст од почетокот на годинава, заклучно со 6 септември, според рангирањето на терминалот на „Блумберг“. Со раст на вредноста од 40,12 проценти, МБИ10 го зазеде четвртото место меѓу вкупно 353 берзански индекси.
„Блумберг“ ги рангира индексите на три регионални листи: Америка (79 индекси), Азија и Пацифик (87) и ЕМЕА (Европа, Блискиот Исток и Африка – 187 индекси). МБИ10 со остварениот раст од почетокот на годинава го зазеде второто место во регионот ЕМЕА и се наоѓа веднаш зад турскиот индекс Dow Jones Turkey Titans 20 (раст од 40,55 проценти).
На ЕУ и требаат многу инвестиции за да може да се трка со Кина и САД
Поранешниот претседател на Европската централна банка Марио Драги ја повика ЕУ да инвестира дополнителни 800 милијарди евра (884 милијарди долари) годишно за да го направи блокот поконкурентен и да се обврзе дека редовно ќе издава заеднички обврзници за да се натпреварува со Кина и Соединетите држави.
Во својот долгоочекуван извештај за конкурентноста на Европската унија, Драги го повика блокот да ги развие своите напредни технологии, да создаде план за исполнување на климатските цели и да ја зајакне одбраната и безбедноста на критичните суровини, означувајќи ја задачата како „егзистенцијален предизвик“.
Раст на хипотекарните кредити во еврозоната по намалувањето на каматата
Хипотекарните заеми од европските банки продолжија да закрепнуваат во јули бидејќи падот на каматните стапки го поддржува купувањето домови.
Банките од еврозоната издадоа 71 милијарда евра (78,5 милијарди американски долари) заеми за купување домови на потрошувачите во јули, што е највисоко ниво од август 2022 година, покажаа најновите податоци на Европската централна банка.
Слабата потрошувачка го доведува во прашање растот во еврозоната
Потрошувачите во еврозоната не се подготвени да го одврзат ќесето, па под знак прашалник е дали ќе има економско закрепнување кое требаше да биде предводено од нивната потрошувачка.
Економскиот раст на блокот од 20 земји повторно полека тоне, откако забележа благ раст во првата половина од годината. Производството сè уште е во опаѓање, а расположението на потрошувачите е под нивото пред пандемијата.
