Нови санкции од САД за Вагнер веднаш по бунтот

САД воведуваат нови санкции насочени кон активностите на групацијата Вагнер за ископување злато во Африка, како дел од обидот да го спречат финансирањето на платеничката група. Новите санкции доаѓаат само неколку дена откако Вагнер започна бунт против силите на претседателот Владимир Путин.

Санкциите беа насочени кон „Мидас Рисорсес“ (Midas Ressources SARLU), рударска компанија во Централноафриканската Република, поврзана со лидерот на Вагнер, Евгениј Пригожин, соопшти Министерството за финансии. Исто така, цел беше „Даемвил САУ“ (Diamville SAU), компанија за набавка на злато и дијаманти контролирана од Пригожин, соопшти Министерството за финансии.

Акцијата е последната во низата санкции за Вагнер и Пригожин од страна на САД и нивните сојузници во последниве години. Лице запознаено со ставот на САД, кое побара да остане анонимно, рече дека акцијата била планирана многу пред силите на Пригожин да го започнат бунтот во текот на викендот. САД се обидоа да избегнат заземање страна во конфликтот меѓу Кремљ и началникот на платениците.

Две други компании и еден руски државјанин идентификуван како извршен директор на групацијата Вагнер, исто така, беа цел на вчерашните санкции.

„Санкциите на Министерството за финансии ги попречуваат клучните актери во финансиската мрежа и меѓународната структура на Вагнер групацијата“, рече во изјавата заменик-секретарот на Министерството за финансии за тероризам и финансиско разузнавање Брајан Нелсон.

Во моментов нема коментари за веста. Биди прв да коментира...

Остави коментар