.webp){kind=icon}
Администрацијата на Бајден размислува да стави на црна листа голем број кинески фирми за полупроводници поврзани со „Хуавеј“ (Huawei Technologies Co.), откако телекомуникацискиот гигант минатата година забележа значителен технолошки пробив, рекоа лица запознаени со ова прашање.
Ваквиот потег би означил уште една ескалација во американската кампања за изолација и ограничување на амбициите за вештачка интелигенција и полупроводници што ги покажува Пекинг. Тоа би го зголемило притисокот врз кинескиот национален технолошки шампион, кој напредува и покрај постојните санкции, вклучувајќи го и производството на процесор за паметни телефони минатата година, за кој многумина во Вашингтон мислaт дека ги надминува способностите на производителот.
Повеќето кинески ентитети што би можеле да бидат засегнати претходно биле идентификувани како капацитети за производство на чипови купени или изградени од „Хуавеј“ во презентација на трговската групација со седиште во Вашингтон, СИА (Semiconductor Industry Association), според упатените извори, кои велат дека засега не се донесени конечни одлуки. „Блумберг њуз“ првпат објави за презентацијата на СИА во 2023 година.
Прочитај повеќе
Кина тврди дека ја има најбрзата интернет мрежа во светот
„Хуавеј“ и „Чајна мобајл“ изградија интернет мрежа од 3.000 километри што го поврзува Пекинг со југот на Кина.
15.11.2023
Новиот процесор на „Хуавеј“ што поддржува 5Г ја зголеми продажбата на телефони
Кирин 9000, новиот процесор од „Хуавеј“, поддржува безжична 5Г-мрежа.
22.09.2023
„Хуавеј“ гради тајни фабрики за чипови, тврди американско трговско здружение
Водечка асоцијација на светски производители на чипови предупредува дека „Хуавеј“ гради низа тајни фабрики за полупроводници низ Кина.
28.08.2023
„Хуавеј“ разви свој деловен софтвер за да ја намали зависноста од САД
„Хуавеј“ разви софтвер за деловно управување со кој може да го замени „Оркл“.
20.04.2023
Кинезите лани вложиле 40 милијарди долари во опрема за производство на чипови
Минатата година Кина значително го зголеми увозот на компоненти потребни за производство на чипови во обид да се бори против американските санкции.
22.01.2024
Компаниите што би можеле да се најдат на црната листа ги вклучуваат производителите на чипови „Чингдао“ (Qingdao Si'En), „Свејшур“ (SwaySure) и „Шенжен пенсун“ (Shenzhen Pensun Technology Co.), посочуваат изворите, барајќи да не бидат именувани бидејќи не се овластени да разговараат за информации што не се јавни. Функционери од администрацијата на Бајден исто така ги разгледуваат санкциите за водечкиот кинески производител на мемориски чипови, „Чангџин мемори“ (ChangXin Memory Technologies Inc).
„Додавањето повеќе кинески компании на листата на САД е многу веројатен настан“, напиша аналитичарот на „Џефрис“ (Jefferies) Едисон Ли, откако „Чангџин“ беше идентификуван како потенцијална цел. „Тоа е лесно да се имплементира и оправда, а дополнително ќе блокира одредени клучни кинески компании да не можат да ги искористат сегашните дупки во извозните санкции“.
Надвор од компаниите што всушност произведуваат чипови, американските власти може да ја санкционираат и „Шенжен пенгџин“ (Shenzhen Pengjin High-Tech Co.), велат упатените, како и „Сикериер“ (SiCarrier), посочи еден од изворите. Загриженоста е што тие две компании, кои произведуваат опрема за производство на полупроводници, дејствуваат како сателити за да му помогнат на „Хуавеј“ да добива забранета опрема, според лицето. „Блумберг њуз“ првпат објави за врските на компаниите со „Хуавеј“ кон крајот на 2023 година.
Владата на САД ги притиска сојузниците, вклучувајќи ги Холандија, Германија, Јужна Кореја и Јапонија, дополнително да ги заострат ограничувањата за пристапот на Кина до технологијата за полупроводници. „Хуавеј“ е една од компаниите во срцето на таа кампања, а во светло на напорите на Пекинг да ја намали зависноста од западната технологија.
