Стотици жртви, продолжуваат судирите во Израел

Најмалку 300 лица загинаа, а над 1.590 се ранети во вчерашниот голем утрински напад на милитантите од Хамас од Појасот Газа врз израелска територија, наведуваат израелски медицински извори.

Во појасот Газа, од друга страна, во вчерашните израелски одмазднички напади загинаа најмалку 232 лица, а се ранети речиси 1.700 Палестинци, наведе палестинското Министерство за здравство.

И синоќа имаше силни ракетни напади во неколку израелски градови, вклучително и во Тел Авив.

Премиерот на Израел, Бенјамин Нетанјаху рано утрово изјави дека неговата земјата почна долга и тешка војна и дека првата фаза ќе биде завршена во наредните часови.

„Првата фаза завршува во овие часови со уништување на поголемиот дел од непријателските сили кои навлегоа на нашата територија. Во исто време, започнавме офанзива и тоа ќе продолжи без резерва и без одмор, до постигнување на целите. Ќе ја вратиме безбедноста на граѓаните на Израел и ќе победиме“, истакна Нетанјаху по состанокот на Владата.

Меѓу одлуките донесени од кабинетот за безбедност е и прекинот на снабдувањето со електрична енергија, гориво и артикли на Појасот Газа.

Израелската Влада одобри уништување на воените и управувачките капацитети на Хамас.

Израелската армија нападна цели во јужен Либан

Израелската армија соопшти дека утрово нападнала цели во јужен Либан, откако неколку минофрлачки гранати биле истрелани на израелска територија.

Ракетите паднале во спорната област на планината Дов на границата со Либан. Нема информации за евентуални жртви и причинета материјална штета.

Bloomberg

„Израелските одбранбени сили (ИДФ)) преземаат подготвителни мерки за овој тип на можности и ќе продолжат да дејствуваат во сите региони кога е потребно за да се осигури безбедноста на израелските цивили“, се истакнува во соопштението на израелската армија.

Хамас и други палестински организации вклучени во вооружената борба со Израел се присутни и во Либан.

Хезболах презеде одговорност за денешниот напад

Либанското шиитско движење Хезболах презеде одговорноста за денешниот ракетно-артилериски напад врз областа Шаба, окупирана од Израел, наведувајќи дека дејствува „во солидарност“ со палестинскиот народ.

Во писмената изјава, Хезболах тврди дека нападот биле насочени кон три пунктови, вклучително и „радарска локација“ во Фармите на Шаба, територија окупирана од Израел во 1967 година.

Во моментов нема коментари за веста. Биди прв да коментира...

Остави коментар