Гневна порака на Трамп: Вторник ќе биде ден за иранските електрани и мостови

Американскиот претседател Доналд Трамп најави дека во вторник ќе изврши напади врз електрани и мостови во Иран, повторувајќи ја заканата за удари врз цивилна инфраструктура доколку не се отвори Ормускиот теснец.

Во објава на социјалните мрежи во неделата наутро, исполнета со остар речник и вулгарни зборови, Трамп порача дека Иран ќе се соочи со „пекол“ ако поморскиот пат не биде отворен за сообраќај.

„Вторник ќе биде Ден на електрани и Ден на мостови, сè во едно, во Иран. Нема да има ништо слично на тоа!!! Отворете го проклетиот теснец луди ко****ња, или ќе живеете во пекол – само гледајте! Слава на Алах“, напиша Трамп.

Truth social/Printscreen

Трамп и претходно се закани со напади пред две недели, но двапати го продолжи рокот за Иран да го отвори теснецот, тврдејќи дека има позитивни сигнали во преговорите. Сепак, досега има малку јавни знаци за напредок кон дипломатско решение на конфликтот.

Американскиот претседател и во саботата се закани дека Иран ќе се соочи со „целосен пекол“ во рок од 48 часа доколку не постигне договор или не го отвори теснецот.