Францускиот претседател Емануел Макрон повика на создавање нови економски врски со Кина. Имено, францускиот претседател во опширното интервју за финансискиот неделник „Ла Трибун“ (La Tribune) истакна дека Европа сака повеќе реципроцитет во економските врски со Кина за подобро да ја обезбеди својата економска безбедност.
„Повикувам на ресетирање бидејќи Кина сега има вишок капацитет во многу области и масовно извезува во Европа“, рече Макрон во интервјуто.
Пораката дојде еден ден пред кинескиот лидер Шји Џјинпинг да слета во Франција во државна посета, која доаѓа во време кога односите меѓу двете земји го достигнаа најтензичниот момент во последните децении. Шји ја започна својата посета вчера попладне, а Франција е првата станица на петдневната европска турнејаж
Depositphotos
Инаку, причина за тензиите се низата истраги на Европската унија за прекумерни субвенции и случаи на шпионажа и сајбер напади наводно поддржани од кинеската влада.
Токму Макрон ја поддржа истрагата на ЕУ за кинеските електрични возила кон крајот на минатата година и е внимателен во своите предлози додека се обидува да привлече инвестиции од втората по големина светска економија.
Но, и покрај неговиот цврст став за економските прашања, францускиот претседател ја брани улогата на Европа како сила која и овозможува на Кина да остане вклучена во глобалната дебата.
„Да бидеме јасни, не предлагам да се дистанцираме од Кина“, рече тој во интервјуто. „Без разлика дали е климата или безбедноста, ни требаат Кинезите“.
.webp){kind=icon}
