Кинескиот гигант за е-трговија „Шејн груп“ (Shein Group) продолжува да работи во Франција, но под строг владин надзор. Со цел да избегне казни, компанијата им забрани на трети страни пристап до својата платформа како одговор на судската забрана за продажба на контроверзни секс кукли кои наликуваат на деца (childlike sex dolls) и оружје.
Компанијата избегна суспензија во земјата со тоа што ја запре продажбата преку својата платформа за е-трговија откако владата ѝ нареди да го отстрани целото оружје од понудата во рок од 48 часа.
Францускиот министер за финансии, Роланд Лескур, за „Франсинфо“ (Franceinfo) вчера изјави дека владата ќе остане „немилосрдна“ во своите напори да обезбеди „Шејн“ да се придржува до законот.
Прочитај повеќе
Франција забранува реклами за „Шејн“ и „Тему“, воведува данок и санкции за инфлуенсери
Земјата ги таргетира платформите за евтина облека со висока еколошка цена
11.06.2025
„Шејн“ под лупа на европските регулатори: Каква судбина ја чека во ЕУ?
„Шејн“ е под лупа на регулаторот поради истрага за прекршување на правилата за заштита на потрошувачите и безбедноста на производите
24.05.2025
„Тему“ го напушта кинескиот модел на увоз за да ги избегне царините на Трамп
Промената на „Тему“ доаѓа во време кога трговците на мало се борат не само со зголемените даноци за увоз туку и со укинувањето на ослободување од царина за мали пратки.
02.05.2025
„Тему“ и „Шејн“ нѐ водат во ера на потрошувачка култура на Тикток
„Тему“ и „Шејн“ им се закануваат на локалните продавачи со своите ниски цени.
05.11.2024
„'Шејн' ќе остане под строг надзор“, се вели во владиното соопштение во петокот вечерта. „Властите активно ќе го следат развојот на настаните на платформата, особено спроведувањето на сите мерки на претпазливост што ги воспостави самата компанија. Владата ќе ги преземе сите потребни чекори за да спречи продажба на какви било нелегални производи“, се додава во соопштението.
Правните постапки и натаму се во тек.
„Шејн“ во посебна изјава рече дека „останува посветена на дијалогот со француските власти за да се отстранат нивните грижи“.
Експанзијата на кинескиот гигант за брза мода во Франција беше полна со контроверзии, а продажбата на спорните кукли предизвика негодување кај здруженијата на потрошувачи и пратениците. Во меѓувреме, компанијата оваа недела отвори нова продавница во центарот на Париз - прва од ваков вид во светот - со што предизвика протести поради нејзиното агресивно влегување во срцето на светската модна престолнина.
.webp){kind=icon}
