Бајден ги обвини авионските патувања за лошата дебата

Белата куќа соопшти дека претседателот Џо Бајден може да се врати од својата лоша дебата минатата недела, додавајќи дека нема потреба тој да ги докажува своите когнитивни способности.

„Тој знае како да се врати“, изјави портпаролката на Белата куќа, Карин Жан-Пјер. 

Таа додаде дека медицинскиот тим на Бајден претходно соопштил дека когнитивен тест за Бајден (81) „не е потребен“. 

Претходно, американскиот претседател го обвини џетлегот за лошиот настап на минатонеделната дебата. Тој им рече на новинарите дека „не постапил многу паметно“ затоа што „летал неколкупати“ пред дебатата.

„Не го слушав мојот персонал… а потоа за малку ќе заспиев на подиумот. Тоа не е изговор, тоа е објаснување“, изјави Бајден за време на вчерашната посета на Вирџинија, осврнувајќи се на своите патувања.

Тој се извини за настапот и истакна дека за него е исклучително важно да победи на изборите.

Бајден патуваше во Европа двапати за две недели во јуни пред телевизиската дебата. Тој, забележуваат медиумите, последен пат се врати од патување на 15 јуни, што е речиси две недели пред дебатата на 27 јуни.

Во моментов нема коментари за веста. Биди прв да коментира...

Остави коментар