Харис ќе потроши 370 милиони долари на дигитални и телевизиски реклами

Изборниот штаб зад кампањата на двоецот Харис-Валц соопшти дека планира да потроши најмалку 370 милиони долари за дигитални и телевизиски реклами меѓу Денот на трудот и 5 ноември, последниот дел од трката за да се допре до гласачите главно во државите каде расположението е изедначено.

Кампањата овој викенд пласираше ТВ резервации од 170 милиони долари, што е надополнето со дигиталните резервации од 200 милиони долари, соопштија замениците менаџери на кампањата Квентин Фулкс и Роб Флаерти во вчерашниот меморандум.

Резервациите вклучуваат време во рамките на големи спортски настани и „моменти со голема гледаност“ како сезонските премиери на „Грејс анатоми“ (Grey's Anatomy) и  „Голден Бачеролет“ (Golden Bachelorette) и имаат за цел да ја претстават Харис на гласачите и да не дозволат Трамп да ја дефинира, се вели во кампањата.

За август, Трамп и неговите сојузници супер-ПАК резервираа околу 60 проценти од времето за рекламирање, со што се смени рекламната предност што ја имаа демократите во поголемиот дел од кампањата.

„Зачувај Америка ПАК“, усогласена со Трамп, го започна својот прв круг на рекламирање за време на Олимпијадата минатиот месец и планира да потроши околу 60 милиони долари за време на Денот на трудот, според лице запознаено со неговите планови.

Харис и Трамп се во двобој преку етерот со рекламна војна од 247 милиони долари.

Двете кампањи инјектираа телевизиски реклами вредни милиони долари откако Харис влезе во трката, што е знак дека и двата тима се преполни со готовина и се надеваат дека ќе го искористат тоа за да дојдат до гласачи.

Почнувајќи од 14 август, претседателските кампањи и нивните сојузници веќе купиле или резервирале 247 милиони долари за реклами кои треба да се реализираат овој месец, што е за 19 проценти повеќе отколку во целиот август 2020 година, според податоците од фирмата за следење реклами „Адимпакт“ (AdImpact), собрани од „Блумберг“.

Во голема мера финансиран од „Лас Вегас Сендс Корп“ (Las Vegas Sands Corp.) имнозинскиот акционер Миријам Аделсон, супер-ПАК очекува да потроши повеќе од 100 милиони долари во однос на 2020 година. Најголем дел од рекламите се  фокусираар на граничната криза.

Кампањата Харис-Волц, исто така, одвои повеќе од 200 милиони долари за дигитални резервации на платформите како „Хулу“ (Hulu), „Року“ (Roku), „Јутјуб“ (Youtube), „Спотифај“ (Spotify) и „Пандора“ (Pandora). Резервациите вклучуваат дневна програма на „Фокс њуз“, која допира до „поумерена публика“, додаваат тие.

„Нашите податоци се јасни дека стотиците илјади гласачи на Ники Хејли и другите конзервативни независни се движат кон нас и ние ќе ги пресретнеме“.

Во моментов нема коментари за веста. Биди прв да коментира...

Остави коментар