.webp){kind=icon}
Од 1 јануари 2024 година ќе почне наплатата на патарините на одредени новоизградени делници од автопатиштата во Србија, а ќе се воведе и нов ценовник за користење на одредени патни објекти, соопштија од јавното претпријатие „Патишта Србија“.
Како што наведоа, отсега патарина ќе се наплаќа на Моравскиот коридор (до привремената предна наплатна станица Кошеви) и на автопатот Рума-Шабац.
„Се воведува и наплатата на надоместоци за користење на патни објекти: мостови, вијадукти и тунели, така што висината на патарината по поминат километар се зголемува за 50 отсто за мостовите и вијадуктите или за 100 отсто за тунелите.“, пишува во соопштението на компанијата.
Од „Патишта на Србија“ соопштија дека извршиле ревизија на должините на делниците под патарина согласно референтниот систем на државната патна мрежа и дека измените на ценовникот се направени согласно обврските пропишани во Законот за надоместоци за користење на јавни добра, а врз основа на изменување и дополнување на одлуките за висината на посебен надоместок за користење на јавен пат, негов дел и патен објект.
