Директорот на Царинската управа Стефан Богоев и неговиот српски колега Бранко Радујко денеска потпишаа меморандум за признавање на белешките од мерење на царинските терминали таканаречени кантарски белешки помеѓу двете земји. Од 1 февруари, македонските компании што увезуваат или извезуваат во Србија и обратно, камионите со стока ќе ги мерат само еднаш. Истото ќе се однесува и за стоки кои транзитираат низ двете држави, соопшти Царинската управа.
Богоев истакна дека заклучно со ноември 2023 година, трговската размена со Србија изнесува 985,9 милиони евра, при што извозот е 365,9 милиони евра или 2,9 проценти повеќе од претходната година. Притоа целиот увоз, извоз и транзит се одвива преку граничниот премин „Табановце“, каде минатата година на влез биле евидентирани речиси 140 илјади товарни моторни возила, а на излез 170 илјади камиони.
„Сите овие товарни возила на влез и на излез се мереле двапати, еднаш во Македонија и еднаш во Србија, а со потпишување на денешниот протокол за признавање на таканаречените кантарските белешки, овие товарни возила ќе се вагаат само еднаш, што за компаниите ќе значи заштеда на време и пари.“, вели Богоев.
.webp){kind=icon}
