Меѓународниот монетарен фонд го заврши годишниот скрининг на македонската економија. Растот добива на интензитет, констатираат монетарците, но има ризици. Инфлацијата не е затворена тема. Се препорачува НБРМ да ја стави основната камата во мирување. Власта да закочи со покачувањето на платите во администрацијата и со линеарното зголемување на пензиите затоа што и тоа ја подгрева инфлацијата. Внимателно и со зголемувањето на минималната плата, препорачуваат од ММФ, затоа што платите одат рака под рака со продуктивноста.
Глобално, сите очи се вперени кон Вашингтон, каде што денеска треба да отпатува украинскиот претседател Володимир Зеленски за да стави потпис на договорот за минералите со американскиот колега Трамп. Се најавува и средба на Трамп со рускиот претседател Путин, три години по почетокот на војната во Украина.
Прочитајте повеќе:
Зошто Русија ја нападна Украина? Разбирање на потеклото на војната
Ако се врати Америка на Трамп, кои ќе бидат губитниците?
Неделата почна со исходот од германските избори. Очекувано, Фридрих Мерц ќе биде новиот германски канцелар во најголемата европска економија што се соочува со најтешка економска криза. Главоболките допрва доаѓаат. А еден од првите чекори на Мерц е зајакнување на одбраната.
Во земјава топ тема останува борбата со високите цени. Со уште еден закон власта се обидува да им стави крај на поскапувањата така што ги обврзува трговците јасно и недвосмислено секојдневно да ги објавуваат цените на производите.
Прочитајте повеќе:
Денари, евра, долари... Во што да се штеди во лоши геополитички услови?
Во светот на претприемачките на мали бизниси: Во секоја од нив има цела фабрика работнички
Ова е сезона на објавување финансиски извештаи за минатата година. „Енвидија“ разочара, нето-профитот на „Стелантис“ падна за 70 отсто. Кај нас, „Алкалоид“ забележа стабилен раст на добивката, „Македонски телеком“ со раст на приходите ги искомпензира високите трошоци.
Прочитајте повеќе:
Немојте да се изненадите ако наместо хирург, ве оперира медицинска сестра
Најголемиот криптонапад на годината: Како „Бајбит“ за секунда загуби 1,46 милијарда долари
На спортски план, уште се зборува за настапот на Лука Дончиќ против неговиот поранешен клуб, Далас, и за провокациите што Словенецот ги упати кон својот поранешен шеф. Од тој сектор доаѓа и одличен документарен филм за битката за кошаркарскиот трон во Париз. „Нетфликс“ и овој пат заврши одлична работа.
.webp){kind=icon}
