Трамп направи шоу во Овалната соба во Белата куќа, пропадна договорот за минералите откако го обвини украинскиот претседател дека се коцка со трета светска војна и ја укина поддршката за Украина. По јавното понижување на Зеленски, Русија се израдува, а Путин му понуди помош на Трамп во нуклеарните преговори со Иран.
Трамп имаше динамична недела. Тој го имаше првиот голем говор пред Конгресот, го одржа ветувањето и ги воведе царините за Канада и за Мексико, а ги зголеми за Кина. Пекинг веднаш го возврати ударот.
И Европа се мобилизира. Најпрво, лидерите му изразија безрезервна поддршка на Зеленски, а потоа предложија план за одбрана тежок 150 милијарди евра во обид да се приспособи на ненадејното повлекување на американската безбедност. Германија предничи во плановите, а Макрон понуди и нуклеарки. На ЕУ ѝ остана само уште една работа за да ги спроведе плановите. Да се справи со Орбан.
Прочитајте повеќе:
Украински мир: Кој ќе биде победник, а кој губитник?
Орбан: Односот на Брисел е нефер, тоа што го прави ЕУ со интеграциите е срамно
Во ваква седмица природно е пазарите да се тресат. По стапувањето во сила на американските царини, европските индекси потонаа. По веста за одбранбениот план на ЕУ, скокнаа акциите на компаниите од овој сектор. Германскиот индекс забележа најголема добивка по 2022 година, откако идниот канцелар Мерц најави дека ќе ги олесни ограничувањата на државните трошоци. Паднаа криптовалутите за кои Трамп рече дека ќе бидат вклучени во државните резерви. Неделата почна со анализи на причините за значителниот пад на биткоинот, кој го нема доволно ниту за милионерите.
Прочитајте повеќе:
„Анора“ изненадувачки издоминира на „Оскарите“
Го тестиравме новиот „ајфон 16е“: Вреди ли да се купи?
Ретропатиките на „Адидас“ станаа хит во светот
И Еуриборот падна на најниско ниво по 2022 година во пресрет на вчерашниот состанок на Европската централна банка, која уште еднаш ги намали каматите. Очекувањата се дека ќе следува пауза во монетарното олеснување.
На домашен терен, на крајот на минатата година забрзал растот на БДП, но забрзува и растот на цените во угостителството. Анализиравме и кој е кој во осигурителниот бизнис, кој лани пораснал за над 11 отсто.
Прочитајте повеќе:
Македонски стартапи стануваат магнет за странски фондови и бизнис-ангели
Македонски компании урнаа историски рекорд во инвестирање во странство
За два месеца пристигнале рекордни 15.000 приговори на високите сметки за струја. Поради тоа заеднички се огласија надлежните – Министерството за енергетика и Регулаторната комисија и ги информираа граѓаните за сите можности за точен и навремен увид на потрошената електрична енергија, како и за механизмите што им стојат на располагање, базирано на строго почитување на законите што ја регулираат оваа област.
Анализиравме во кои сектори има најмногу слободни работни места, а ви откривме и кои се најскапите автомобили во Македонија и во регионот купени минатата година. Македонец е сопственик на едно од трите најскапи возила во регионот Адрија. Станува збор за „мерцедес“, кој чини над 770 илјади евра.
.webp){kind=icon}
Во моментов нема коментари за веста. Биди прв да коментира...