Американскиот претседател Доналд Трамп потпиша наредба со која од 3 април увозот на автомобили во САД ќе се царини со стапка од 25 отсто. Со ова тој дополнително ги заостри меѓународните трговски односи, а предизвика и пад на цените на акциите на компаниите од автомобилскиот сектор.
Процените на аналитичарите се дека од овој потег на Трамп ќе изгубат сите, а најмногу американските купувачи, за кои цените ќе растат, а ќе се стесни и изборот. Засега, извесно е дека добитник ќе биде соработникот на Трамп, Илон Маск.
Неделава тој беше во фокусот откако неговата компанија „Тесла“ загуби 600 милијарди долари од пазарната вредност на компанијата. И додека едни сметаат дека токму „Тесла“ ќе биде новата „Нокиа“, други веруваат дека времето на компанијата допрва доаѓа затоа што се насочува кон роботиката и вештачката интелигенција.
Прочитајте повеќе:
Кога вештачката интелигенција станува сојузник на животот
Бум на акциите на европските банки во 2025 година, македонските „се испукаа“ лани
Трамп ја вивна и цената на бакарот најавувајќи царини од 25 отсто и целиот увоз на бакар, еден од најкористените метали во светот, кој се користи за правење цевки и електрични кабли.
Во трката за најава на нови увозни давачки расте увозот на јајца во САД, а цената на овој производ експлодира поради силниот недостиг пред Велигден.
Македонија нема проблем со јајцата, што се гледа од податоците на Државниот завод за статистика, кои покажуваат дека извозот расте, лани бил двојно поголем од 2023 година.
Сепак, земјава има неброено многу проблеми. По големата трагедија во Кочани, инспекторите се растрчаа по терен. Се проверува сѐ, а се поведуваат и постапки за одземање лиценци. Останува нејасно како инспекторите се справуваат со овој обем на работа, ако досега сите надлежни повторуваа дека немаат човечки капацитет за редовни контроли.
Владата во последен момент ја утврди и минималната плата. И покрај големата врева што се дигна за ова прашање, минималецот се зголеми за законските 1.800 денари. Растот на платите е еден од двигателите на инфлацијата, констатира агенцијата „Фич“, која неделава го потврди кредитниот рејтинг на земјава.
Прочитајте повеќе:
Ќе имаме бесплатни дигитални паричници: Владата ја менува регулативата
Глобално, важна вест е и Турција. Околу 2.000 лица се приведени во текот на протестите во земјата по апсењето на главниот противник на Ердоган, харизматичниот опозициски лидер Екрем Имамоглу. Турскиот претседател ја фати за гуша опозицијата, но економијата го држи него, анализираме кој ќе победи.
Прочитајте повеќе:
Гаража во скопски Центар чини колку стан во внатрешноста
Наместо во банка, заштедите на берза: ЕУ со нова стратегија ќе стимулира инвестирање
Вештачката интелигенција го менува светот каков што го знаеме, а фудбалот не е исклучок. Севиља разви сопствена алатка што го револуционизира процесот на откривање нови играчи. Додека Европа доживува вистинска ренесанса во изградбата на стадиони, Челси заостанува во процесот на модернизирање на својот „Стемфорд бриџ“. Тој процес може да им донесе повеќе проблеми. Од друга страна, УЕФА одлучи уште посериозно да ја сфати Лигата на шампионите на глобално ниво. Односот меѓу обложувањето и спортот во Америка отсекогаш бил специфичен, а последниве години влезе во сосема нова фаза.
.webp){kind=icon}
