Народната банка (НБРМ) и овој пат ги задржа непроменети каматните стапки, а главната причина зошто од почетокот на годината нема намалување на трошоците за задолжување е забрзувањето на инфлацијата.
Добро утро, ова се останатите пет вести што се важни за почеток на денот.
Што остана по Европскиот младински олимписки фестивал?
Пет дена по официјалното затварање на Европскиот младински олимписки фестивал (ЕМОФ), кој годинава се одржа во Македонија, а наместо гордост и позитивни импресии од можноста да се биде домаќин на една ваква престижна спортска манифестација, во јавноста има само префрлање на вина и бегање од одговорност за лошиот публицитет што го стекна земјава како организатор.
Пропустите се бројни: од нееднакви сместувачки капацитети (и несоодветно сместување во соби), недоволни храна и вода во дел од објектите за сместување, соби и сали за вежбање без клима, па сė до инциденти и повреди на спортисти (независно од кои причини и да се случиле). Едноставно, спортскиот настан од вакви размери што требаше да ја промовира државата ширум светот на секој можен начин, резултираше буквално со контра ефект, сакале ние да признаеме или не.
ББА анализа: Македонија има најслаб принос на пченка во регионот, како ќе се движи цената?
Глобалното производство на пченкарни култури во 2025/26 година се предвидува да се зголеми скромно на 1,55 милијарди метрички тони, поддржано од посилното производство во Индија, САД и Европа. Производството на пченка останува стабилно.
Глобалните залихи на пченка се предвидува да се намалат, главно поради пониските залихи во Кина, Индија, Јужна Африка и Канада. Генерално, изгледите укажуваат на избалансиран пазар, со стабилни фундаментални показатели, подобрени трговски текови и ограничен бафер на нивоата на глобални залихи.
Тестиравме „ламборгини темерарио“: Ретко кој автомобил дава вакво чувство на моќ
Минатото лето добив казна за пречекорување на брзината додека возев „ламборгини ревеулто“ од Лос Анџелес кон Кармел, Калифорнија. Ретко добивам сообраќајни казни, но зад воланот на „ревеулто“ сепак малку се опуштив. Хибридниот мотор V-12 со 1.001 коњска сила, вреден 664.799 долари, беше толку брз и забавен за возење што казната од околу 400 долари ми изгледаше како мала цена за таквото уживање на отворен пат.
Затоа со големо возбудување неделава возев „ламборгини темерарио“, вреден 382.654 долари, на патеката Есторил во Португалија. Сакав повторно да ја почувствувам таа радост! Новиот хибриден мотор V-8 со 907 коњски сили го заменува моделот V-10 на „хуракен“, чие производство заврши во 2024 година. Сепак, повеќе го доживувам како бунтовен помлад брат на „ревеулто“, со оглед на тоа што дели сличен плагин хибриден погон и речиси совршена крива на испорака на моќноста, која се протега до импресивни 10.000 вртежи во минута - дури и повеќе од „ревеулто“, кој застанува на 9.500.
Трамп најави царини од 25 отсто за Индија
Претседателот Доналд Трамп изјави дека ќе воведе царина од 25 отсто за Индија почнувајќи од 1 август и сугерираше дека ќе додаде дополнителна казна поради енергетските набавки на земјата од Русија. Трамп во објава на Трут сошл во средата рече дека Индија има царини што се „меѓу највисоките во светот, и ги има најстрогите и најодвратни нетарифни трговски бариери од сите земји.“
„Исто така, тие отсекогаш купувале најголем дел од својата воена опрема од Русија и се најголемиот купувач на ЕНЕРГИЈА од Русија, заедно со Кина, во време кога сите сакаат Русија ДА ПРЕСТАНЕ СО УБИВАЊАТА ВО УКРАИНА“, додаде тој. „ИНДИЈА ЗАТОА ЌЕ ПЛАЌА ЦАРИНА ОД 25 ОТСТО, ПЛУС КАЗНА ЗА НАВЕДЕНОТО, ПОЧНУВАЈЌИ ОД 1 АВГУСТ“.
Дали Палестина е држава? Што ако повеќе земји се согласат дека е?
Франција соопшти дека има намера да стане првата членка од Групата седум (Г7) што ќе ја признае Палестина како држава. Ирска, Норвешка и Шпанија веќе го направија тоа, прекинувајќи го консензусот во Западна Европа и САД дека Палестинците треба да ја постигнат државноста преку преговори со Израел.
Големо мнозинство земји во светот - околу 150 - ја признаваат палестинската држава. Овие декларации имаат симболична вредност за Палестинците и служат за дипломатско изолирање на Израел, чија влада се противи на палестинската држава. Но тие не значат дека Палестинците имаат држава, во целосна смисла на зборот.
.webp){kind=icon}
Во моментов нема коментари за веста. Биди прв да коментира...