Софтверскиот и технолошкиот сектор претставуваат еден од најголемите концентрациони ризици во историјата за кредитниот пазар со шпекулативен рејтинг, велат аналитичарите на „Дојче банк“. Тие сочинуваат 597 милијарди и 681 милијарди долари од универзумот на шпекулативни кредити, или околу 14 и 16 отсто соодветно, напишаа аналитичарите предводени од Стив Каприо во белешка во понеделник.
Добро утро, ова се останатите пет вести што се важни за почеток на денот.
„Комерцијална банка“ не исклучува влез на странски инвеститор: Ќе дочекаме ли глобален играч во банкарскиот сектор?
Можна ли е нова инвестиција во македонскиот банкарски сектор преку влез на реномиран меѓународен бренд е прашање кое заслужува внимание откако менаџментот на „Комерцијална банка“ АД Скопје во програмата на мерки и активности на деловната политика и финансискиот план на банката за 2026 година наведе дека обврската за евентуалното привлекување стратешки инвеститор останува една од приоритетните цели и задачи.
„Во 2026 година останува обврската на банката дека, доколку акционерите на ‚Комерцијална банка‘ АД Скопје обезбедат контролен пакет на акции и утврдат соодветни параметри, менаџментот на банката ќе презема соодветни постапки, мерки и активности за евентуално привлекување потенцијален странски стратешки инвеститор“, пишува во програмата на мерки и активности на деловната политика и финансиски план на „Комерцијална банка“ за 2026 година.
Електрификацијата излегува на берза - „Електро-алфа“ како ново регионално ИПО
Во момент кога европската електроенергетска инфраструктура влегува во повеќегодишен инвестициски суперциклус, поттикнат од енергетската транзиција, растот на побарувачката за електрична енергија, развојот на ВИ дата-центри и модернизацијата на дистрибутивните мрежи, секторот за електрична опрема и инженеринг, набавка и изградба (ЕПС - анг. engineering, procurement and construction - EPC) станува еден од клучните добитници на новата индустриска политика на Европската унија.
Во рамките на инвестициски циклус вреден повеќе од 1.000 милијарди евра, Романија се позиционира како еден од важните регионални јазли за енергетска и транспортна инфраструктура, со повеќедецениски циклус на вложувања во производство, мрежи и електрификација на крајните корисници.
Преглед на пазарите: S&P 500 е блиску до рекорд, технолошките компании продолжуваат со раст
Уште едно закрепнување на технолошките компании по падот предизвикан од вештачката интелигенција ги подигна акциите пред објавата на економски податоци кои ќе помогнат да се обликува ставот на Федералните резерви. Златото ја надмина цената од 5.000 долари. Доларот падна.
По растот кој додаде 1 билион долари на вредноста на S&P 500 кон крајот на минатата недела, индексот продолжи да расте и се приближи до своите историски највисоки нивоа. Технолошките компании кои беа во центарот на падот продолжија да закрепнуваат. Индексот на производители на чипови порасна за 1,9 отсто, додека ETФ фокусиран на софтверски компании продолжи со двоен раст до 7 отсто. „Оракл“ скокна за 10 отсто.
Регионалните спортисти и заработката во 2025 година: Меѓу најплатените и Елмас
Кога заработките на спортистите од Словенија, Хрватска, Србија, БиХ, Црна Гора и Северна Македонија ќе се сведат на иста валута, регионалната спортска хиерархија престанува да биде прашање на перцепција и станува чиста сметка. Во евра, разликата меѓу договорите во НБА, платите во европскиот фудбал и приходите во индивидуалните спортови открива структурен јаз. На листата што ја составивме ние за спортистите од регионот, меѓу најплатените Македонци е фудбалерот Ељиф Елмас.
Во 2025 година овој јаз не е резултат на една исклучителна сезона или краткорочно нарушување на пазарот, туку одраз на длабоко вкоренети разлики во деловните модели на спортските лиги. НБА и сличните системи со централизирани приходи, строго регулиран лимит на платите (salary cap) и глобални медиумски права ја поставуваат горната граница на цената на спортскиот талент. Европскиот спорт, вклучувајќи ги и најсилните фудбалски лиги, останува под тој плафон, без оглед на традицијата и популарноста.
НБА-пензија: Кој има право на неа, колку вреди и зошто е поважна од времето за играње?
На прв поглед, останувањето на Дарио Шариќ во НБА-лигата уште една сезона не изгледаше како голема спортска вест. Нема голем договор, нема статус на ѕвезда, нема загарантирана улога во ротацијата. Но токму ваквите одлуки најдобро откриваат како всушност функционира НБА, не како романтична спортска приказна, туку како прецизно дизајниран бизнис и општествен систем.
Затоа што во НБА, договорот не е само плата. Тој е и влез во пензиски систем што може да вреди повеќе од една или две просечни сезони на теренот на долг рок.
.webp){kind=icon}
