Софтверскиот и технолошкиот сектор претставуваат еден од најголемите концентрациони ризици во историјата за кредитниот пазар со шпекулативен рејтинг, велат аналитичарите на „Дојче банк“
Тие сочинуваат 597 милијарди и 681 милијарди долари од универзумот на шпекулативен кредит, или околу 14 и 16 отсто соодветно, напишаа аналитичарите предводени од Стив Каприо во белешка во понеделник. Шпекулативниот долг опфаќа обврзници со ниска кредитна оценка (high-yield), кредити на компании со ниска кредитна оценка (leveraged loans) и американски приватен кредит.
Тоа е „значителен дел од постојниот долг кој ризикува да ја наруши пошироката инвеститорска перцепција, ако се зголемат стечаите во софтверскиот сектор,“ напишаа аналитичарите, со „потенцијално влијание што би било споредливо со енергетскиот сектор во 2016 година.“
Прочитај повеќе
Второ потценување за акциите на „Мајкрософт“ за една недела
Акциите на „Мајкрософт“ беа потценети по втор пат за помалку од една недела, бидејќи „Волстрит“ станува сè повнимателен околу потенцијалните нарушувања со кои се соочуваат софтверските компании поради вештачката интелигенција.
пред 5 часа
„Алфабет“ планира да собере околу 15 милијарди долари преку продажба на обврзници
„Алфабет“ (Alphabet Inc.) планира да собере околу 15 милијарди долари преку продажба на висококвалитетни обврзници во американски долари, според лица запознаени со случајот. Ова е уште едно задолжување кое се додава на бранот задолжувања од компании кои се во првите редови на инвестициите во вештачка интелигенција.
пред 6 часа
Уште еден мегадоговор: „Антропик“ на чекор до инвестиција од над 20 милијарди долари
Трката во вештачката интелигенција ја забрзува концентрацијата на капитал, при што „Антропик“ се приближува до ново финансирање од над 20 милијарди долари.
08.02.2026
Потрошувачката на ВИ-компаниите е споредлива со изградбата на железничката инфраструктура во 19 век
Со капитални вложувања споредливи со историски инфраструктурни бумови, технолошките компании ја менуваат економската слика во трката за доминација во ВИ.
08.02.2026
За разлика од 2016 година, притисоците најверојатно прво би се појавиле во приватните кредити, компаниите за развој на бизнис и кредитите на компании со ниска кредитна оценка, а пазарот на обврзници со ниска оценка би ослабнал подоцна, додадоа аналитичарите.
Брзото усвојување на алатки за вештачка интелигенција дополнително ризикува да ги намали мултипликаторите и приходите на компаниите за софтвер како услуга (SaaS), додека агресивниот став на Федералните резерви на САД од 2022 година наваму врши притисок врз паричните текови, напишаа аналитичарите.
На пример, користењето на финансискиот механизам кај кој заемопримачот не плаќа камата во готовина, туку ја плаќа со нов долг или дополнителни обврзници (ПИК = PIK - payment-in-kind) во софтверскиот сектор се зголеми на 11,3 отсти во портфолијата, повеќе од 2,5 процентни поени над веќе високата индексна просечна вредност од 8,7 отсто, според Дојче банка.
„Реалноста денес е променета од времето кога многу од овие компании беа првично финансирани,“ напишаа аналитичарите. „Моделот за создавање вредност на SaaS сè уште не е доволно зрел за да издржи брза имплементација на алатки за вештачка интелигенција.“
.webp){kind=icon}
