Второ потценување за акциите на „Мајкрософт“ за една недела

Акциите на „Мајкрософт“ беа потценети по втор пат за помалку од една недела, бидејќи „Волстрит“ станува сè повнимателен околу потенцијалните нарушувања со кои се соочуваат софтверските компании поради вештачката интелигенција.

„Мелиус рисрч“ (Melius Research) ја намали препораката од „купи“ на „задржи“ во понеделник, наведувајќи загриженост околу капиталните трошоци и копилот-брандираните производи на комапнијата, кои се главното средство за продажба на ВИ софтверски алатки на канцелариските работници. Овој потег следи по слично потценување од „ Стифел “ (Stifel) кон крајот на минатата недела, при што аналитичарите предупредија за темпото на раст на бизнисот со Азур облачните услуги.

„Поради нешта како коворк од ‘Антропик’ моќниот пакет Мајкрософт  365 може да се соочи со предизвици и можеби ќе треба да го дава копилот  бесплатно само за да остане релевантен - што ќе го повреди растот и маржите во неговиот најпрофитабилен сегмент,“ напиша аналитичарот на „Мелиус“, Бен Рајтзес. „Оваа реалност ќе ја троши внатрешната капацитетност на Азур, ограничувајќи ги и таму позитивните резултати.“

Потценувањата доаѓаат во време кога инвеститорите стануваат сè понервозни за долгорочните изгледи на софтверот во целина, со ВИ алатки од компании како „Антропик“ кои се гледаат како голема нарушувачка сила и потенцијален постојан негативен фактор за растот. Кошницата на софтверски акции на „Голдман“ падна повеќе од 14 отсто од крајот на јануари.

Акциите на „Мајкрософт“ пораснаа до 2,4 отсто во понеделник, иако се намалени за повеќе од 24 отсто од октомврискиот врв.

Bloomberg

Голем дел од слабоста на акцијата следи по резултатите на „Мајкрософт“ од почетокот на овој месец, кои доведоа до историска распродажба на акцијата, откако аналитичарите изразија загриженост за темпото на раст на Aзур облачниот бизнис и големите трошоци за вештачка интелигенција.

За Рајтзес, компанијата е во ситуација „lose-lose“, бидејќи „мора значително да ги зголеми капиталните трошоци“ за да држи чекор со „Алфабет“ и „Амазон“. Тоа значи дека слободниот паричен тек „може повторно да претрпи удар“. Но, ако не ги зголеми трошоците сега, тој додаде, „тоа одразува или проблем со извршувањето или потреба за управување со заработката – ниту едното не е добро.“

Рајтзес исто така изрази загриженост дали ВИ ќе се исплати, пишувајќи дека „сè повеќе мислиме дека ‘плати дополнително за ВИ’ не е реална работа – и копилот ќе треба да биде вклучен бесплатно, зголемувајќи ги трошоците на долг рок.“

Фирмата ја намали целната цена на „Мајкрософт“ на 430 долари, една од најниските на Волстрит.

И покрај потценувањата, приближно 96 отсто од аналитичарите следени од „Блумберг“ препорачуваат купување на акцијата. Останатите имаат еквивалент на „задржи“ препораки, без ниту една „продај“. Просечната целна цена изнесува нешто над 600  долари, што имплицира потенцијален раст од речиси 50 отсто од сегашната цена.